Qazaqstanǵa bir kúnde 3,7 myń avıajolaýshy keldi

NUR-SULTAN. QazAqparat - Qazaqstanǵa halyqaralyq áýe reısterimen 3 716 avıajolaýshy keldi, dep habarlaıdy QazAqparat Sanıtarııalyq - epıdemıologııalyq baqylaý komıtetine silteme jasap.

22 sáýirde Qazaqstan Respýblıkasynyń aýmaǵyna Grekııa, Maldıv Respýblıkasy, BAÁ, Mysyr, Túrkııa, Ýkraına, Reseı Federatsııasy, Ózbekstan jáne Qyrǵyzstannan 28 halyqaralyq áýe reısi keldi.
Ótken táýlikte 3 716 avıajolaýshy keldi. Onyń ishinde:
Almaty qalasynyń áýejaıyna – 14 reıs, 1 820 jolaýshy;
Nur-Sultan qalasynyń áýejaıyna – 8 reıs, 1 240 jolaýshy;
Shymkent qalasynyń áýejaıyna – 3 reıs, 379 jolaýshy;
Aqtaý qalasynyń áýejaıyna – 1 reıs, 149 jolaýshy;
Atyraý qalasynyń áýejaıyna – 1 reıs, 4 jolaýshy;
Túrkistan qalasynyń áýejaıyna – 1 reıs, 124 jolaýshy kelgen;
Barlyq jolaýshy COVID-19-ǵa PTR-testileý týraly anyqtamamen kelgen.
QR Bas memlekettik sanıtarııalyq dárigeriniń 12 sáýirdegi №13 qaýlysyna sáıkes, avıakompanııalar Qazaqstannyń Memlekettik shekarasyn kesip ótken sátte berilgenine 3 táýlik ótpegen PTR ádisimen COVID-19-ǵa testiden ótkeni týraly anyqtamany usynbaǵan jolaýshylardy áýe kemesiniń bortyna otyrǵyzbaýy tıis.