Qazaqstanǵa áýe reısimen kelgen úsh jolaýshydan koronavırýs ınfektsııasy anyqtaldy

NUR-SULTAN. QazAqparat - Qazaqstanǵa anyqtamasyz kelgen úsh jolaýshydan PTR-taldaý nátıjeleri boıynsha koronavırýstyq ınfektsııa anyqtaldy, dep habarlaıdy QazAqparat QR Densaýlyq saqtaý mınıstrliginiń Telegram kanalyna silteme jasap.

2021 jylǵy 20 qańtarynda Qazaqstan Respýblıkasynyń aýmaǵyna Germanııa, Nıderlandy, Koreıa, BAÁ, Mysyr, Túrkııa, RF, Belarýs Respýblıkasy jáne Ózbekstannan 13 halyqaralyq áýe reısi keldi.
1270 áýe jolaýshylarynyń ishinde PTR-testileýdiń teris nátıjesi bar anyqtamamen 1012 adam, anyqtamasyz 258 QR azamattary keldi.
Onyń ishinde:
Almaty qalasynyń áýejaıyna – 5 reıs, 600 jolaýshy, anyqtamamen - 577, anyqtamasyz - 23;
Nur-Sultan qalasynyń áýejaıyna – 5 reıs, 483 jolaýshy, anyqtamamen - 249; anyqtamasyz - 234;
Atyraý qalasynyń áýejaıyna – 1 reıs, 127 jolaýshy anyqtamamen;
Shymkent qalasynyń áýejaıyna – 1 reıs, 1 jolaýshy anyqtamamen;
Oral qalasynyń áýejaıyna – 1 reıs, 59 jolaýshy, anyqtamamen - 58; anyqtamasyz – 1.
Anyqtamasyz kelgen Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde.
2021 jyldyń 19 qańtarynda anyqtamasyz kelgen 202 QR azamatynyń PTR-taldaý nátıjeleri boıynsha úsh jolaýshydan koronavırýstyq ınfektsııa anyqtaldy. Olardyń ishinde bir jolaýshy Sharm-el-Sheıh – Qostanaı reısimen, taǵy bir jolaýshy Dýbaı – Almaty, úshinshi jolaýshy Frankfýrt – Nur-Sultan reısimen kelgen.