Qazaqstanǵa asyl tuqymdy maldy qaı elderden ákeledi
QR Aýyl sharýashylyǵy mınıstrliginiń aqparatyna sáıkes, bıyl shetelden 51 myń iri qarany satyp alýǵa qarjy bólingen. Osy ýaqytqa deıin 14 myń bas Qazaqstanǵa jetkizildi, jaqyn arada taǵy 3,8 myń asyl tuqymdy iri qara jetkiziledi. Mal ónimderin óńdeý men óndirý departamentiniń dırektory Erkebulan Axmetovtyń aıtýynsha, asyl tuqymdy maldyń basym bóligi - Reseı Federatsııasynyń ónimi.
«Osy ýaqytqa deıin maldyń birshama bóligin Eýropa men Ýkraınadan ákeldi. Sosyn 10 myńnan astam basty Amerıkadan jetkizdi. Kelesi jyldan bastap asyl tuqymdy maldy satyp alý geografııasy keńeıedi. Qazirgi kezde biz Avstralııadan mal jetkizý joldaryn pysyqtap jatyrmyz. Budan bólek, Latyn Amerıkanyń Ýrýgvaı men Chılı sııaqty memleketteri bar», - dedi E.Axmetov Astanada ótken baspasóz máslıxatynda.
Onyń sózine qaraǵanda, asyl tuqymdy maldy jetkizýshi memleketterdiń bári veterınarlyq talaptarǵa saı keledi. Al mınıstrliktiń ózinde iri qarany tasymaldaýdyń naqty grafıgi bar.
«Jyl sońyna deıin jetkizilmegen maldar kelesi jyldyń naýryz aıyna deıin jetkiziledi. Negizi, jaqyn jáne alys shetelden maldy ákelý baǵdarlamasy ekinshi jartyjyldyqta bastalǵan bolatyn. Qazirgi kezde fermerler ótinishterin kóptep tapsyryp jatyr», - dep atap kórsetti E.Axmetov.