Qazaqstanǵa Amýr jolbarysyn ákelip jersindiredi

<p>ASTANA. KAZINFORM &ndash; Bıyl elimizge Gollandııadan eki Amýr jolbarysy ákelinedi. Maqsat &ndash; jolbarystar popýlıatsııasyn damytý.</p>

«Bıyl kóktemde Torǵaı óńirine jabaıy jylqylardy alyp keldińizder. Al endi qazirgi ýaqytta Balqash, Aral óńirlerine jolbarys alyp keledi degen aqparat bar. Bul ne joba, onyń maqsaty qandaı?» - degen saýal qoıdy Májilis depýtaty Dúısenbaı Turǵanov jalpy otyrysta. 

Halyq qalaýlysynyń saýalyna Ekologııa jáne tabıǵı resýrstar mınıstri Erlan Nysanbaev jaýap berdi. 

«Іle ózeniniń jaǵasyndaǵy ormanda Balqasha quıatyn jerinde Turan jolbarysy mekendegen. Sońǵy jolbarys 1948 jyly baıqalǵan. Jolbarystyń popýlıatsııasyn damytý boıynsha 2024 jylǵy qyrkúıektiń sońyna deıin Gollandııadan eki Amýr jolbarysyn alyp kelip, jersindiremiz. Olar sýyqqa tózimdi. Al kelesi jyly Reseıden taǵy 4 jolbarys ákelemiz. Bizde jolbarystyń popýlıatsııasyn qalpyna keltirý máselesin sheshýge arnalǵan osyndaı baǵdarlama bar», - deıdi Erlan Nysanbaev Májilis otyrysynda. 

Eske sala keteıik, buǵan deıin Reseı Amýr jolbarystaryn Qazaqstanǵa berýge daıyn ekendigin jazǵan edik.