Qazaqstanǵa álemdik jáne aımaqtyq ónerkásip alpaýyttary kelip jatyr - Prezıdent

<p>Bıyl elimizde jalpy quny 376 mlrd teńgeni quraıtyn 91 ınvestıtsııalyq joba júzege asty. Bul týraly búgin elordada &laquo;Altyn sapa&raquo; jáne &laquo;Paryz&raquo; syılyqtarynyń jeńimpazdaryn marapattaý kezinde Memleket basshysy Qasym-Jomart Toqaev málim etti, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Men oblystarǵa jumys saparymen jıi baryp turamyn. Bıyl da birneshe aımaqta boldym. Ár oblysta jurtshylyqpen, sonyń ishinde bıznes ókilderimen kezdesip júrmin. Aımaqtarda kóptegen ınvestıtsııalyq joba júzege asyrylyp jatyr. Bıyldyń ózinde elimiz boıynsha jalpy quny 376 mıllıard teńgeni quraıtyn 91 ınvestıtsııalyq joba júzege asyryldy. Sonyń arqasynda 6 myńnan astam turaqty jumys orny ashyldy», - dedi Qasym-Jomart Toqaev.

Prezıden qosymsha turaqty jumys oryndaryn ashý jalpymemlekettik mindet ekenin atap ótti.

«Óıtkeni bul jerde halyqty jumyspen qamtý, qoǵamdaǵy masyldyq psıhologııadan arylý týraly aıtylyp otyr. Qazaqstanǵa álemdik jáne aımaqtyq ónerkásip alpaýyttary kelip jatyr. Mysaly, jaqynda Qostanaıda Kia avtokólikterin shyǵaratyn tolyq tsıkldi zaýyttyń qurylysy bastaldy. Ózge de avtomobıl brendterin shyǵarý kózdelip otyr. Biz aldymyzǵa shynaıy ındýstrııalandyrý jáne eldiń jańa óndiristik negizin qalyptastyrý mindetin qoıdyq», - dedi Memleket basshysy.