Qazaqstanǵa AQSh, Ulybrıtanııa, Japonııa jáne Koreıadan BAQ ókilderi shaqyryldy
Osyndaı jetistikter sheteldik BAQ, saıahatshy-blogerler, MICE-is-sharalardy uıymdastyrýshylar jáne týrızm ındýstrııasynyń basqa da ókilderin elimizge shaqyrý arqasynda da múmkin boldy.
Óz kezeginde, «Kazakh Tourism» ulttyq kompanııasy dástúrli túrde aqparattyq týrlar ótkizedi. Mysaly, sáýir aıynda BBC, TripReporter, The Week, National Geographic Traveller, Lonely Planet, Suitcase, Wanderlust jáne t.b. iri basylymdarǵa jazatyn brıtandyq BAQ úshin aqparattyq týr ótti.
Jaqynda «Moıa planeta» telearnasynyń túsirilim tobynyń Qazaqstanda alǵash ret túsirilip jatqan «Vne zony dostýpa» baǵdarlamasy sapary aıaqtaldy. Túsirilim Almaty qalasy men Almaty oblysynda 19-25 mamyr aralyǵynda ótti.
Sondaı-aq, bul kúnderi Aqtaýda brıtandyq BAQ toby men bir týroperator júrdi. Olar - Rooster, BuzzFeed, i paper, Family Traveller ókilderi. Aqparattyq týr 27 mamyrǵa deıin jalǵasty.
Golf týrızmi boıynsha 1-6 maýsym aralyǵynda Koreıadan týroperatorlar, BAQ ókilderi men blogerlerdiń kelýi josparlanýda. Onda qatysýshylar Qazaqstanda týrızmniń osy túrin damytý áleýetimen tanysady. Baspasóz týrynyń qorytyndysy boıynsha Koreıanyń jetekshi týroperatorlarynan arnaıy týrlar ázirlenedi dep kútilýde.
Sol kúnderi 3-4 maýsym aralyǵynda Japonııadan Astana men Aqtaý qalalaryna Tatsumi baspasynyń jazýshysy keledi dep kútilýde. Azusa Shiraishi ózi atap ótkendeı: japon tilinde Ortalyq Azııany sıpattaıtyn birneshe ǵana saıahat kúndelikteri bar jáne Japonııanyń kóptegen turǵyndary bul aımaq týraly jetkilikti bilmeıdi. Sapar qorytyndysy boıynsha japon tilinde 4000 dana kóleminde fotosýretteri men Qazaqstan týraly sıpattamasy bar Ortalyq Azııa týraly saıahat kúndeligi shyǵarylady.
11-15 maýsym aralyǵynda Qazaqstanǵa Ulybrıtanııa, Avstrııa, Belgııa, Izraıl, Slovenııa jáne Úndistannyń MICE is-sharalarynyń uıymdastyrýshylary men BAQ ókilderi keledi. Aqparattyq týr barysynda jergilikti mádenıetpen jáne Astana men Almaty qalalarynyń kórikti jerlerimen tanystyrýmen qatar, Qazaqstannyń týrıstik salasynyń ókilderimen kezdesýler uıymdastyrý josparlanýda.
Al 15-21 maýsym aralyǵynda 8 adamnan turatyn Society of American Travel Writers delegatsııalarynyń kelýi josparlanýda. SATW - eń tájirıbeli jýrnalıster, fotograftar, redaktorlar, blogerlerden, beıne men fılm, habar taratý prodıýserleri, veb-saıt ıeleri, qoǵammen baılanys mamandarynan turatyn AQSh, Kanada jáne basqa elderdiń qonaqjaılylyq ındýstrııasy týraly habarlaıtyn kásibı uıym. Bul uıym 1955 jyly qurylyp, 1000-nan astam ókilderin qamtıdy.
Osy ınfotýrdyń qorytyndysy boıynsha amerıkalyq aýdıtorııa úshin Qazaqstan týraly dástúr men mádenıet, óner, sáýlet, ulttyq taǵamdar jáne t.b. týraly býklet ázirlenetin bolady.
Atap aıtsaq bul týrlar qatysýshylardyń quramyna baılanysty ártúrli mindetterdi kózdeıdi, biraq olardyń barlyǵyn ortaq – elge kiris týrızmin ilgeriletý maqsaty biriktiredi.