Qazaqstanǵa 7 memleketten tilshiler men blogerler keldi

ASTANA. QazAqparat - Elimizge Qazaqstannyń mádenıetimen tanysý úshin sheteldik jýrnalıster toby keldi. Bir aptalyq týr aıasynda sheteldik BAQ ókilderi Astana, Almaty, Mańǵystaý jáne Almaty oblystarynda bolady. Sapar Prezıdent Nursultan Nazarbaevtyń bastamasy boıynsha «Rýhanı jańǵyrý» baǵdarlamasyn iske asyrý sheńberinde Qazaqstan Syrtqy ister mınıstrligimen uıymdastyrylǵan, dep habarlaıdy QazAqparat vedomstvonyń baspasóz qyzmetine silteme jasap.

Baspasóz týrǵa mádenıet jáne óner salalarynda mamandanǵan AQSh, Ulybrıtanııa, Frantsııa, Italııa, Ispanııa, Qytaı jáne Egıpettiń 15 jýrnalısi jáne blogerler qatysýda.

Aqparat quraldarynyń ókilderimen kezdesý barysynda Syrtqy ister mınıstri Qaırat Ábdirahmanov qazirgi zamanǵy qazaqstandyq mádenıetti shetelde belsendi jáne sapaly nasıhattaýdy qamtıtyn «Rýhanı jańǵyrý» baǵdarlamasynyń negizgi aspektileri týraly áńgimelep berdi. Mınıstr Qazaqstannyń mádenı alýandyǵyna jáne elimizdiń qazirgi kezdegi damýyna degen qyzyǵýshylyq tanytqany úshin sheteldik jýrnalısterge alǵys bildirdi.

Sheteldik tilshilermen kezdesý barysynda Mádenıet jáne sport mınıstri Arystanbek Muhamedıuly Qazaqstannyń mádenıet salasyndaǵy, onyń ishinde ulttyq kınematografııany damytýyndaǵy jetistikteri týraly áńgimeledi.

Astanada jýrnalıster «EKSPO-2017» qazaqstandyq pavılonynda, Qazaqstannyń ulttyq murajaıynda, «Áziret Sultan» meshitinde jáne «Qazmedıa» ortalyǵynda bolyp, birqatar qazaqstandyq BAQ-tardaǵy áriptesterimen kezdesý ótkizdi. Aqparat jáne kommýnıkatsııalar mınıstrliginiń ókilderi qonaqtardy «Tsıfrly Qazaqstan» memlekettik baǵdarlamasymen tanystyrdy. «Astana-Opera» teatrynda sheteldik tilshiler «Korsar» baletiniń premerasyn tamashalady.

Mańǵystaý oblysynda jýrnalısterdiń Beket-Ata men Shaqpaq-Ata jerasty meshitteri, Sherqala taýy, etnoaýylǵa sapary josparlanǵan.

Almatyǵa sapar baǵdarlamasy materıaldyq emes, sonymen qatar ıÝNESKO-nyń ókiletti tizimine engizilgen mádenı muranyń elementterimen tanystyrý, Á.Qasteev atyndaǵy memlekettik óner murajaıy, Mýltımedııalyq dástúrli saz ortalyǵy, «Qazaq-Oner» qolónershiler ortalyǵyna barý jáne basqa da is-sharalardy qamtıdy.

«Jahandyq álemdegi zamanaýı qazaqstandyq mádenıet» jobasynyń aıasynda ótip jatqan ekinshi baspasóz týry sondaı-aq týrızmdi damytýǵa jáne Qazaqstannyń qarqyndy damyp kele jatqan memleket retinde jalpy oń ımıdjin qalyptastyrýǵa baǵyttalǵan.