Qazaqstanǵa 60 kg astam geroın alyp kele jatqan kólik shekarada ustaldy

TARAZ. QazAqparat – Qazaq-qyrǵyz shekarasynda Qazaqstanǵa kele jatqan kólikten 60 keliden astam geroın tabyldy, dep habarlaıdy QazAqparat.

QR Ulttyq qaýipsizdik komıtetinen málim etkendeı, 10 jeltoqsan kúni Qyrǵyzstannan Qazaqstan aýmaǵyna ótpek bolǵan «Toyota Prado» avtomashınasy tekserilgen.

Tekserý ınspektsııalyq-tekserip qaraý keshenimen júrgizilgen. Sondaı-aq «Djek» qyzmettik ıti jumyldyrylǵan.

Nátıjesinde, kólikte jasyrylǵan erekshe ıisi bar aq-sur tústi zaty bar paketter tabylǵan. Tárkilengen paketter odan arǵy protsessýaldyq is-qımyldar úshin UQK Jambyl oblysy boıynsha departamentine tapsyryldy.

«11 jeltoqsandaǵy saraptama nátıjeleri boıynsha tárkilengen zat salmaǵy 60 keli
370 gramm geroın ekeni anyqtaldy.

Qylmystyq kodekstiń 286-babynyń 4-bóligi boıynsha qylmystyq is qozǵalyp, tergelýde.