Qazaqstanǵa 3 tsentner dári zańsyz kirgizilmek boldy
«Qorǵas» shekaralyq baqylaý otrıadynyń shekarashylary 2018 jylǵy 29 qarashada, saǵat 19.30 shamasynda «Halyqaralyq shekaramańy yntymaqtastyǵy ortalyǵynan» elimizge qytaı dári-dármegin jasyryn alyp ótpek bolǵan 25 jastaǵy qazaqstandyqty ustady. Jalpy salmaǵy 298,5 kg dári-dármektiń ruqsat qaǵazdary bolmaǵan. Ustalǵan azamattyń júgi tárkilenip «Altynkól» keden beketiniń ókilderine tapsyryldy», - delingen QR Ulttyq qaýipsizdik komıteti Shekara qyzmetiniń aqparatynda.
Budan bólek, shekarashylar búgin tańǵa jýyq «Qordaı» shekara otrıadynyń «Qarasý-avto» bólimshesi qyzmetkerleri «Mersedes bens» jekemenshik kóligimen eline qaıtyp bara jatqan 23 jastaǵy qyrǵyzstandyqty ustady. Onyń mashınasyn tekserý barysynda 2 ydysqa bólip salynǵan jalpy salmaǵy 21 kg forel balyǵynyń shabaqtary tabyldy.
«Bul ispen ári qaraı Qordaı aýdandyq ishki ister bóliminiń qyzmetkerleri aınalysatyn bolady», - delingen habarlamada.