Qazaqstanǵa 210 myń doza Pfizer vaktsınasy jetkizildi

ASTANA. QazAqparat - Densaýlyq saqtaý mınıstri Ajar Ǵınııat koronavırýsqa qarsy elimizge Pfizer vaktsınasynyń 210 myń dozasy jetkizilgenin aıtty, dep habarlaıdy QazAqparat tilshisi.

«Slovakııadan gýmanıtarlyq kómek aldyq. Ekpe alǵysy keletinderdiń barlyǵy vaktsına saldyra alady. 210 myń doza Pfizer bar. Kóbine adamdar revaktsınatsııany bir dozamen saldyrady», - dedi A. Ǵınııat Senattaǵy Úkimet saǵatynan keıin tilshiler saýalyna jaýap bere otyryp.

Onyń aıtýynsha, qazir elimizde vaktsınanyń úsh túri bar. Osy oraıda QazVac, Sinopharm jáne Pfizer-diń 700 dozasy bar.

«Ekpe salý júrip jatyr. Táýlik saıyn 2-3 myń adam revaktsınatsııaǵa kelip jatyr», - dedi mınıstr.

Buǵan deıin habarlanǵandaı, Densaýlyq saqtaý mınıstri Qazaqstanda anyqtalǵan koronavırýstyń «tserber» shtamynyń erekshelikterin aıtty.