Qazaqstandyqtardyń zeınetaqy aktıvteri qaıda salynyp jatyr

NUR-SULTAN. QazAqparat - 2021 jyldyń 1 qarashasyndaǵy jaǵdaı boıynsha ınvestıtsııalyq basqarýdaǵy zeınetaqy aktıvteriniń jalpy kólemi 13,2 trln teńgeni qurady. Bul týraly QazAqparat BJZQ silteme jasap habarlaıdy.

Bul rette QR Ulttyq banki senimgerlik basqarýyndaǵy BJZQ zeınetaqy aktıvteri 13 231,90 mlrd teńge. Investıtsııalyq portfeldi basqarýshylar (IPB) basqarýyndaǵy zeınetaqy aktıvteri shamamen 5,7 mlrd teńgege jetti.

Investıtsııalyq qyzmet nátıjesinde eeptelgen ınvestıtsııalyq tabystyń jalpy kólemi bıylǵy jyldyń qańtarynan bastap 30 qazan aralyǵyndaǵy kezeńde 1,2 trln teńge boldy, onyń ishinde:

QRUB basqarýyndaǵy zeınetaqy aktıvteriniń ınvestıtsııalyq portfeli

2021 jyldyń 1 qarashasyna QR Ulttyq qoryn basqarý jónindegi Keńes maquldaǵan 2021 jylǵa arnalǵan baǵyttar sheńberinde QUB (senimgerlik basqarýshy retinde) ınvestıtsııalaýynyń negizgi baǵyttary bylaısha berilgen:

- QR Qarjy mınıstrligi shyǵarǵan, aǵymdaǵy quny 4 943,24 mlrd teńgeni (búkil portfeldiń 37,36%) quraıtyn QR Memlekettik baǵaly qaǵazdary. Teńgege nomınaldanǵan QR Qarjy mınıstrliginiń MBQ boıynsha óteýge ortasha alynǵan kiristilik jylyna 9,3%, al AQSh dollarynda – jylyna 3,4% qurady.

- QR kvazımemlekettik uıymdarynyń oblıgatsııalary (aǵymdaǵy quny 1 724,49 mlrd teńge (portfeldegi úlesi – 13,03%). QR kvazımemlekettik uıymdarynyń teńgemen nomınaldanǵan oblıgatsııalary boıynsha óteýge ortasha alynǵan kiristilik jylyna 10,8%, AQSh dollarymen jylyna 5,5%.

- sheteldik memleketterdiń memlekettik baǵaly qaǵazdary 1 577,93 mlrd teńge boldy. Olardyń portfeldegi úlesi – 11,93%. BJZQ-nyń ZA portfelindegi esepti kúndegi sheteldik memleketterdiń MBQ óteýge ortasha alynǵan kiristilik jylyna 0,6%.

- 1 039,68 mlrd teńgege (7,86%) QR ekinshi deńgeıdegi bankteriniń oblıgatsııalary. QR EDB teńgege nomınaldanǵan oblıgatsııalary boıynsha óteýge ortasha alynǵan kiristilik esepti kúnge jylyna 10,0%.

BJZQ zeınetaqy aktıvteri esebinen satyp alynǵan qarjy quraldary nomınaldanǵan valıýtalar bólinisinde qarjy quraldarynyń ınvestıtsııalyq portfeli bylaısha berilgen:

- ulttyq valıýtadaǵy ınvestıtsııalar – 67,88%, AQSh dollarynda – 32,05%, Reseı rýblinde jáne basqa valıýtada – zeınetaqy aktıvteri portfeliniń 0,06%.

QRUB alǵan, jyl basynan beri eseptelgen ınvestıtsııalyq tabystyń qurylymy mynadaı sıpatqa ıe:

- baǵaly qaǵazdar, onyń ishinde ornalastyrylǵan salymdar jáne «keri REPO» operatsııalary boıynsha syıaqy túrindegi kirister 730,36 mlrd teńge;

- baǵaly qaǵazdardy naryqtyq qaıta baǵalaýdan túsken kirister 191,26 mlrd teńge;

- shetel valıýtasyn qaıta baǵalaýdan túsken kirister 39,53 mlrd teńge;

- syrtqy basqarýdaǵy aktıvter boıynsha kirister 111,44 mlrd teńge;

- ózge de kirister 175,25 mlrd teńge.

Investıtsııalyq qyzmet nátıjesinde, sondaı-aq, shetel valıýtalary baǵamdarynyń qubylmalylyǵy jáne qarjy quraldarynyń naryqtyq qunynyń ózgerýi saldarynan eseptelgen ınvestıtsııalyq kiris mólsheri 2021 jyldyń basynan bastap 1 247,84 mlrd teńge. 2021 jyldyń basynan bastap salymshylardyń (alýshylardyń) shottaryna bólingen BJZQ zeınetaqy aktıvteriniń kiristiligi ınflıatsııa 7,00% bolǵan kezde 9,93% jetti. Osylaısha BJZQ zeınetaqy aktıvteri boıynsha naqty tabystylyq 2,93% kórsetti.

Bul rette 2021 jyldyń 1 qarashasyndaǵy jaǵdaı boıynsha BJZQ salymshylary (alýshylary) úshin sońǵy 12 aıdaǵy (2020 jyldyń qarashasynan 2021 jyldyń qazanyna deıin) zeınetaqy aktıvteriniń kiristiligi 8,90% mólsherindegi ınflıatsııa kezinde 10,90% qurady. Osylaısha BJZQ zeınetaqy aktıvteri boıynsha sońǵy 12 aıdaǵy naqty tabystylyq 2,00% kórsetti.