Qazaqstandyqtardyń ortasha jasy – 32,1

ASTANA. QazAqparat – 2023 jyldyń basyndaǵy jaǵdaı boıynsha, qazaqstandyqtardyń ortasha jasy 32,1 jasty qurady, dep habarlaıdy QazAqparat.

Ulttyq statıstıka bıýrosynan málim etkendeı, 2018 jyldan beri halyqtyń ortasha jasy bolmashy ǵana artqan.

«Orta jas ósimi erler men áıelder arasynda da, aýyl men qala turǵyndary arasynda da baıqalyp otyr.

Jyl basyndaǵy erlerdiń ortasha jasy 30,5 jas bolsa, áıelderde – 33,7 jas.

Qala turǵyndarynyń ortasha jasy aýyl turǵyndaryna qaraǵanda joǵary, sáıkesinshe 32,6 jáne 31,5 jas.

Óńirler arasynda eń joǵary ortasha jas Soltústik Qazaqstan oblysynda – 38,9 jas, eń tómengi ortasha jas Mańǵystaý jáne Túrkistan oblystarynda – 27,6 jastan», - delingen habarlamada.