Qazaqstandyqtardyń ortasha ómir súrý uzaqtyǵy - 72,3-ke jetti
Búgin QR Densaýlyq saqtaý mınıstri Eljan Birtanovtyń qatysýymen Astanada elimizdegi densaýlyq saqtaý salasynda atqarylǵan jumystardyń alǵashqy jartyjyldyǵy qorytyndylanyp jatyr. Jıynda medıtsınalyq qurylǵylardy jańartý, bıýdjettik qarjyny paıdalaný, medıtsınalyq kadrlarmen qamtamasyz etý máseleleri boıynsha óńirlerdiń kórsetkishteri saraptalýda.
«2016-2019 jyldarǵa arnalǵan «Densaýlyq» baǵdarlamasy boıynsha negizgi kórsetkishter qalypty. 2016 jyldyń qorytyndysy boıynsha qazaqstandyqtardyń ómir súrý uzaqtyǵy 72,3 jasqa jetti. Ótken jyldyń osy kezeńimen salystyrǵanda (6 aı boıynsha) ana ólimi 10,8 protsentke azaıdy. Ólim jaǵdaılary ınfarkttan 5,5 %-ke, qaıǵyly jaǵdaı men jaraqat alýdan 8,6%-ke, týberkýlezden 32,2 %-ke tómendedi», - deıdi DSM vıtse-mınıstri Alekseı Tsoı.
Jıyn barysynda «Densaýlyq» baǵdarlamasy boıynsha negizgi kórsetkishteri tómen óńirlerdiń densaýlyq saqtaý basqarmasynyń basshylary baıandama jasap jatyr.