Qazaqstandyqtardyń ómir súrý uzaqtyǵy 70 jastan asty

ASTANA. QazAqparat - Byltyr qazaqstandyqtardyń ómir súrý uzaqtyǵy 0,69 jasqa artyp, 70,3 jyldy qurady. 2012 jyly atalǵan kórsetkish 69,61 jyldy quraǵan bolatyn. Bul týraly búgin Parlament Májilisindegi Úkimet saǵatynda málim boldy.

Onda «Salamatty Qazaqstan» baǵdarlamasynyń atqarylý barysy talqylanǵan bolatyn.

Densaýlyq saqtaý mınıstrliginiń málimetine qaraǵanda, byltyr erlerdiń ómir súrý jasy - 65,6 jas, áıelderde - 74,8 jasty qurady. Al áıelder men erler arasyndaǵy ómir súrý uzaqtyǵyndaǵy aıyrmashylyq 2007 jyly 11,63 jyldy qurasa, 2013 jyly bul kórsetkish 9,2 jyl boldy.

Budan bólek, ótken jyly respýblıkamyzda halyqtyń tabıǵı ósimi 4,6 paıyzdy qurady. Sonymen qatar, esepti kezeńde analar ólimi 6,7 paıyzǵa, náresteler ólimi kórsetkishi - 17 paıyzǵa tómendegen. Sońǵy 5 jylda ana ólimi - 3 esege, náresteler ólimi - 1,5 esege azaıǵan.