Qazaqstandyqtardyń kólik salyǵy boıynsha qaryzy 30 mlrd teńgeden asty
«Jalpy respýblıka boıynsha 1 mıllıonnan astam adamnyń memleket aldynda qaryzy 30,7 mlrd teńgeni quraıdy. Onyń 26,8 mlrd teńgesi qaryzdyń negizgi somasy. Al qalǵan 3,8 mlrd teńge ósimpul retinde eseptelgen», - dedi komıtetten.
Vedomstvo málimetinshe, eń úlken qaryz Almaty qalasyna tıesili. Ońtústik megapolıs turǵyndary kólik salyǵy boıynsha 6,1 mlrd teńge qaryz. Odan keıingi orynda Almaty oblysy tur. Bul aımaqtaǵy avtokólik ıeleri 4,8 mıllıard teńge kóleminde salyq tólemegen. Nur-Sultan qalasy qaryz mólsheri boıynsha alǵashqy úshtikke kiredi. Elordadaǵy avtokólik júrgizýshileriniń memleketke 3 mlrd teńgege jýyq qaryzy bar.
Boryshkerler sany boıynsha antıreıtıngti 165 myńnan astam adam salyq mindettemelerin oryndamaǵan Almaty oblysy bastap otyr. Ekinshi orynda - Almaty qalasy. Onda boryshkerler sany 107 myńnan asady. TOP-3-ke Túrkistan oblysy da kiredi - 104 myń adam.
Osyǵan oraı Memlekettik kirister komıteti Salyq kodeksine sáıkes salyq tóleý merzimi aıaqtalǵannan keıin merzimi ótken ár kún úshin ósimppul esepteletinin eske salady.
Salyq tóleý úshin memlekettik kirister organdaryna barýdyń qajeti joq. «E-Salyq Azamat» mobıldi qosymshasyn ornatyp, salyq boıynsha qaryz kólemin bilip, onlaın tóleý jetkilikti. Sondaı-aq, qazaqstandyqtar ekinshi deńgeıli bankterdiń qosymshalaryn paıdalana alady.