Qazaqstandyqtardyń derbes medıtsınalyq derekteri qalaı qorǵalady
Vıtse-mınıstr sózinshe, qazirgi tańda Densaýlyq saqtaý mınıstrligi men Tsıfrlyq damý mınıstrligi birigip, derbes derekterdiń qorǵalýyn qamtamasyz etý úshin tıisti sharalar qabyldap jatyr.
«Medıtsınalyq aqparattyq júıelerdi mınıstrlik júıelerimen ıntegratsııalaý barysynda patsıentter týraly barlyq derekter qorǵalǵan tártipte júrgiziledi. ıAǵnı, eshqandaı aqparat joǵalmaıdy ne ózgermeıdi. Nátıjesinde medıtsına mekemeleriniń túrli aqparattyq júıelerge táýeldiligi joıylady. Tıisinshe medıtsına qyzmetkerleri tek bir aqparattyq júıe arqyly ǵana jumys isteıdi.
Birinshi kezeńde «Derbes derekter jáne olardy qorǵaý týraly» Zańyna ózgerister men tolyqtyrýlar engiziledi. Osy arqyly azamattar ózderiniń derbes medıtsınalyq derekterine Egov portaly arqyly qol jetkize alady. Bul jumystardy atqarý úshin qazir Tsıfrlyq damý jáne ınovatsııalar, aeroǵarysh ónerkásibi mınıstrligimen vedomstvoaralyq ózara is-áreket sharalary bastaldy. Kelesi kezeńde qazaqstandyqtardyń elektrondyq densaýlyq pasportyn alýyna, ony baqylap otyrýǵa qol jetkizý boıynsha naqty jumystar qarastyrylǵan. Atap aıtqanda, endi azamattar densaýlyq pasporty týraly aqparattardy Egov portaly nemese ózge de mobıldi qosymshalar arqyly alý múmkindigine ıe bolady», - dep mınıstrliktiń josparlarymen bólisti vıtse-mınıstr.
Sonymen qatar Beıbit Esenbaev salany tsıfrlandyrý aıasynda densaýlyq saqtaý salasy «eHealth» jańa elektrondy júıesine kóshetinin málimdedi.