Qazaqstandyqtardyń deni «ádemi» kólik nómirlerin satýdy zańdastyrýǵa qarsy

ASTANA. 28 mamyr. QazAqparat - Qazaqstandyqtardyń úshten bir bóliginen astamy, ıaǵnı 40,6 paıyzy ІІM-niń kólikterdiń «bedeldi» nómirlerin zańdy túrde satý usynysyna qaıshy qaraıdy.

Bul bar bolǵany «jemqorlyqtyń joldaryn zańdastyrý jáne aqsha jymqyrý» bolyp tabylady, dep esepteıdi Saıası sheshimder ınstıtýtynyń saýalnamasyna qatysqandar.

Saýalnamaǵa qatysqandardyń 26, 9 paıyzy bul bastamany qoldady: «Odan túsken qarajat bıýdjetke kirip, joldar sapasyn jaqsartýǵa jumsala alady».

Qala turǵyndarynyń 24,6 paıyzy bul usynysqa yqylassyz qaraıdy, suralǵandardyń 7,9 paıyzy jaýap berýge qıynsyndy.

«Bedeldi» memlekettik kólik nómirleriniń satylýyn zańdastyratyn zań jobasy (quny 1,5-nan 2,5 myń AQSh dollaryna deıin jetedi) Úkimet qaraýynda jatyr.

Qoǵamdyq pikirdi zertteý 2012 jyldyń mamyrynda 16 qalada (14 oblys ortalyǵynda, Astanada jáne Almatyda) ótkizildi. Respondentterdiń sany - 2 300 adam.