Qazaqstandyqtardyń basym bóliginiń ustanymyn kórsetetin ádil nátıje ekenine senimdimin - Erlan Qoshanov

ASTANA. QazAqparat – «AMANAT» partııasynyń tóraǵasy Erlan Qoshanov saılaýdyń aldyn ala nátıjeleri jarııalanǵannan keıin áleýmettik jeli arqyly pikir bildirdi, dep habarlaıdy QazAqparat.

«Qurmetti dostar! Jańa ǵana úsh ekzıt-polldyń qortyndysy jarııalandy. Aldyn ala nátıjeler boıynsha, «AMANAT» partııasy Májilis pen jergilikti ókildi organdar saılaýynda ortasha 53,46% daýys jınap otyr.

Barsha partııa músheleri men qoldaýshylarymyzdy quttyqtaımyn!

Bul qazaqstandyqtardyń basym bóliginiń ustanymyn kórsetetin ádil nátıje ekenine senimdimin. Partııanyń saılaýaldy baǵdarlamasyn qoldaǵan halyqqa jáne kandıdattarymyzǵa alǵysymyz sheksiz!

Bul «AMANAT» partııasynyń barlyq múshesine zor jaýapkershilik júkteıdi. Biz saılaýshylarymyzdyń senimin aqtaýǵa bar kúshimizdi salamyz!» - dep jazdy ol.