Qazaqstandyqtardyń 98,3% -y «100 naqty qadam» Ulttyq josparyn qoldaıdy - saýaldama

ASTANA. QazAqparat - Qazaqstandyqtardyń 98,3%-y Memleket basshysy Nursultan Nazarbaevtyń «5 ınstıtýtsıonaldyq reformany júzege asyrý jónindegi 100 naqty qadam» Ulttyq josparyn qoldaıdy. Eýrazııalyq ıntegratsııa ınstıtýty 2015 jylǵy 3-8 maýsym kúnderi júrgizgen qoǵamdyq pikir saýaldamasynyń nátıjeleri osyndaı.

«Suraý salynǵan qazaqstandyqtardyń 93%-y qandaı da bir dárejede Ult jospary - «5 ınstıtýttyq reformany júzege asyrý boıynsha 100 naqty qadam» mazmunynan habardar», - delingen resmı BAQ-ta jarııalanǵan saýaldama materıaldarynda.

Ult jospary - bes ınstıtýttyq reformany júzege asyrý boıynsha 100 naqty qadamnyń róli men mańyzyn qoǵamnyń qabyldaýy:

Suraý salynǵan qazaqstandyqtardyń 97,4%-y Ult josparyn qazirgi zamanǵy jahandyq syn-qaterlerge laıyqty jáne sáıkesti jaýap dep esepteıdi.

Qazaqstandyqtardyń 96,7%-y Ult josparynyń eldi damytý máselelerin júıeli sheshýge jaǵdaı jasaıtynyn kelisedi.

Curalǵandardyń 94,7%-y Ult josparyn júzege asyrý qazaqstandyq birtektilikti nyǵaıtýǵa jaǵdaı jasaıdy dep esepteıdi.

Kóptegen qazaqstandyqtardyń pikirinshe. 100 naqty qadamdy júzege asyrý:

Memlekettiń óz azamattaryna eseptiligin qamtamasyz etýge;

Eldiń ekonomıkalyq damýyna qýatty serpin berýge;

Qazaqstan halqynyń birligin nyǵaıtýǵa;

Memlekettiń jahandyq qaýip-qaterler aldyndaǵy beriktik qoryn jasaýǵa;

Zań ústemdigin qamtamasyz etýge;

Kásibı memlekettik apparat qurýǵa;

Qazaqstannyń álemniń damyǵan memleketteriniń 30-dyǵyna enýine jaǵdaı jasaıdy.

Qoǵamdyq pikirge saýaldamany 2015 jylǵy maýsymnyń 3-i men 8-i aralyǵynda Eýrazııalyq ıntegratsııa ınstıtýty júrgizdi. Halyqqa saýaldama telefondyq suhbat tásilimen júzege asyryldy. Qalalyq jáne jergilikti jerlerde turatyn 18 jastan asqan Qazaqstannyń 1250 azamatyna saýaldama júrgizdi. Іrikteý geografııasy: 14 oblys jáne Astana men Almaty qalalary.