Qazaqstandyqtardyń 80% deklaratsııa tapsyrýǵa, múlki týraly aqparatty kórsetýge daıyn
Mundaı málimetter @qarjyminkz telegram kanalynda bir aı shamasynda ótken saýalnama nátıjesinde alyndy.
Daýys bergenderdiń 100%-y deklaratsııany elektrondy túrde tapsyrýdy josparlap otyr, óıtkeni bul yńǵaıly, deıdi saýalnamaǵa qatysýshylar. Onyń ishinde uıaly telefon jáne basqa gadjetter arqyly - 69%, kompıýterdi paıdalaný - 31%.
Al, qaǵaz túrinde deklaratsııa tapsyrýǵa nıet bildirgen adamdar múldem bolmady.
Sonymen qatar, 16% aqparattyq qaýipsizdik máselesine alańdaýda. Alaıda, QR Qarjy mınıstrliginiń baspasóz qyzmeti alańdaýǵa negiz joq dep sendiredi. Sonymen qatar, deklaratsııa tapsyrý azamattardan kóp ýaqytty almaýy úshin mınıstrlik jańa tehnologııalardy engizýde.
Osylaısha, e-Salyq Azamat mobıldik qosymshasynda jalpyǵa birdeı deklaratsııalaý aıasynda Aktıvter men mindettemeler týraly deklaratsııany (eseptilik nysany 250.00) usyný boıynsha servısi iske asyryldy. Bul servıs jalpyǵa birdeı deklaratsııalaýdy engizgenge deıin barlyq qajetti testilik jumystardan ótken, sol arqyly búgingi kúni servıske ońaı qoljetimdi.
Sondaı-aq, jyl basynan beri barlyǵy 153 497 deklaratsııa (SEN 250.00) - onyń ishinde e-Salyq Azamat arqyly – 115 myń deklaratsııa usynyldy.
Bul rette e e-Salyq Azamat -ta deklaratsııany toltyrý azamattar úshin qıyndyq týǵyzbaıtynyn atap ótý qajet, birinshiden, bul mobıldi qosymshanyń ınterfeısine qatysty jáne «Suraq-jaýap» túrindegi jeńildetilgen formattyń arqasynda.