Qazaqstandyqtardyń 80%-dan astamy Joldaýda aıtylǵan usynystar týraly oń pikirde

NUR-SULTAN. QazAqparat - Ortalyq kommýnıkatsııalar qyzmeti Prezıdent Joldaýyna qatysty qazaqstandyqtar arasynda júrgizilgen jedel-saýalnama derekterin usynady, dep habarlaıdy QazAqparat.

Saýalnama nátıjeleri kórsetkendeı, qazaqstandyqtardyń 43,46%-y Prezıdent Qasym-Jomart Toqaevtyń Joldaýynyń mazmunynan jaqsy habardar. Taǵy 48,88% jańa sharalar týraly estidi, biraq egjeı-tegjeıin bilmeıdi. Al 7,67% onymen áli tanysyp úlgermegen.

Saýalnamaǵa sáıkes, Prezıdenttiń usynystary aqparattandyrylǵan azamattardyń basym kópshiligine oń áser qaldyrdy – 80,07%. Usynystyń 14,73%-y beıtarap áser qaldyrdy. Teris áser týraly 1,11% habarlady.

Joldaýdyń bir jarym jasqa deıingi bala kútimi boıynsha tólemder kezeńiniń ulǵaıýy (54,15%), Ulttyq qordyń jyl saıynǵy ınvestıtsııalyq kirisiniń 50%-yn 18 jasqa deıingi balalardyń jınaqtaýshy shottaryna esepteý (51,27%), eń tómengi jalaqy mólsheriniń 70 myń teńgege deıin ósýi (46,07%), 61 jastaǵy áıelderdiń zeınetkerlik jasyn belgileý (41,53%), 100 myń jas qazaqstandyqty jumyspen qamtamasyz etý (37,87%) jáne t.b. taqyryptary aqparattandyrylǵan azamattar arasynda barynsha maquldaýǵa ıe boldy.

Zertteý 1 qyrkúıekte elimizdiń 20 óńirinde 18 jastan asqan 800 qazaqstandyq arasynda onlaın-saýalnama ádisimen júrgizildi, ár oblystyń qalalary men aýyldary iriktemeli qamtyldy. Saýalnama nátıjelerin Qazaqstannyń barlyq halqyna ekstrapolıatsııalaýǵa bolady – zertteý úlgisi el turǵyndarynyń áleýmettik-demografııalyq jáne aýmaqtyq erekshelikterin eskere otyryp jasalǵan.