«Qazaqstandyqtardy qorqytqan sarbaz» vıdeosynyń UQShU áskerine qatysy joq - stopfake.kz

NUR-SULTAN. QazAqparat – Áleýmettik jeli men messendjerlerde «UQShU sarbazynyń «qymyz iship otyrmyn», «maıdanshyldar» kerek emes» dep qazaqstandyqtardy qorqytqan vıdeosy tarap jatyr. Bul rolıktiń UQShU áskerlerine qatysy joq, dep habarlaıdy stopfake.kz.

Arandatýshylyq vıdeony jarııalaǵan keıbir Telegram-arnalardyń habarlaýynsha, vıdeo NEXTA arnasynan taraǵan. Onda bul vıdeo bar, biraq ony «arandatýshylar taratqan» dep jazylǵan .

Keıinirek arnada vıdeonyń feık ekeni aıtylǵan taǵy bir aqparat shyqty.
– Vıdeodaǵy adamdardyń UQShU áskerlerine qatysy joq. Ony taratqan adamdardyń qandaı maqsattardy kózdegeni belgisiz, – delingen mátinde.
Vıdeodaǵy sarbazdyń UQShU kúshterimen kelgenin rastaý múmkin emes. Kadrda keıipkerdiń áskerı qyzmetshi ekenin dáleldeı alatyn eshqandaı sáıkestendirý belgileri, qaıda túsirilgeni nemese basqa belgiler kórinbeıdi.
«Qazirgi ýaqytta vıdeony tolyǵymen tekserý múmkin emes, biraq ony manıpýlıatsııa dep sanaýǵa bolady. Sondaı-aq, vıdeo jelide jarııalanǵan kezde Qazaqstanǵa bitimgerlerdiń kelýi týraly derekter áli bolmaǵanyn atap ótkenimiz jón», - delingen stopfake.kz málimetinde.