Qazaqstandyqtar jeke derekterin ózderi basqara alady

NUR-SULTAN. QazAqparat – Elimizde ár azamat jeke basyna qatysty málimetterdi ózi basqara alady. Atalǵan jańashyldyq ázirge pılottyq joba retinde engizilip jatyr. Bul týraly QR Tsıfrlyq damý, ınnovatsııalar jáne aeroǵarysh ónerkásibi mınıstriniń orynbasary Asqar Jambakın málim etti, dep habarlaıdy QazAqparat tilshisi.

«Biz qazir jeke derekterdi basqarý quralyn engizip jatyrmyz. ıAǵnı, jeke derekterdi azamattardyń ózderi basqarýyna múmkindik beriledi. Olar jeke derekterdi bir ret nemese turaqty túrde ózi basqaryp, paıdalanady. Búginde bul jańashyldyq tehnıkalyq jáne zań turǵysynan da elimizde engizilip jatyr. Demek endigi ýaqytta ár adam ózine qatysty jeke derekke ózi ege bolady. Jáne ony paıdalanýǵa da ruqsatty ózi berip nemese tyıym sala alady. Ázirge Qazaqstanda pılottyq joba retinde engizilip jatyr», - dedi Asqar Jambakın QazAqparat halyqaralyq agenttiginiń alańynda ótken Open Space jobasynyń tikeleı efırinde.

Vıtse-mınıstrdiń aıtýynsha, jańa jobany tolyqtaı engizý keler jylǵa josparlanyp otyr. Demek, 2022 jyldan bastap qazaqstandyqtar jeke derekterin ózderi basqara alady.