Qazaqstandyqtar jarty jylda neshe keli et tutyndy

ASTANA. QazAqparat – Qazaqstandyqtardyń jarty jyldaǵy et tutyný kórsetkishi jan basyna shaqqanda 19,5 keli bolǵan. Bul týraly QazAqparat Energyprom.kz saıtyna silteme jasap habarlaıdy.

«Elimizde etke degen suranys ta, óndiris te artyp keledi. Birinshi jartyjyldyqta úı sharýashylyǵyndaǵy et tutyný kólemi 2021 jylmen salystyrǵanda 2,6% artyp, jan basyna 19,5 keliden keldi. Onyń ózinde aýyldaǵy halyqtyń jan basyna shaqqanda 20,9 keli, aýyldaǵy halyqtyń jan basyna shaqqanda 18,5 keli et tutynylǵan. Qańtar-maýsym aralyǵynda jan basyna shaqqanda 12 keli sıyr eti, 3,2 keli jylqy eti jáne 2,6 keli qoı eti kelgen. Shoshqa etin tutyný kólemi jan basyna shaqqanda 1,7 keliden bolǵan», - dep jazylǵan saraptamada.

Resýrstyń málimeti boıynsha, et baǵasy bir aıda 0,6%-dan 1,8% deıin, bir jylda 7%-dan 15% deıin qymbattaǵan.

Aılyq mejemen alǵanda sıyrdyń súıekti eti 1,8%, shoshqa eti 1,5%, jylqy eti 1,3% qymbattaǵan. Tek qoı eti ǵana salystyrmaly túrde baıaý qymbattap jatyr – 0,6%.

Jyldyq mejemen alǵanda bárinen de jylqy eti kóp qymbattaǵan – 15%.

Qoı men shoshqa eti 12,7%, sıyr eti 7% qymbattady.

«Qyrkúıek aıynda Qazaqstan qalalarynda sıyrdyń súıekti etiniń bir kelisi orta eseppen 2387 teńge, qoı eti 2660 teńge, shoshqa eti 2033 teńge,jylqy eti 2932 teńge boldy», - dep jazady Energyprom.kz.