Qazaqstandyqtar úı jumysyna sheteldik mıgranttardy tarta alady, ol úshin salyq tólese bolǵany
sharýashylyǵymen jáne jyljymaıtyn múlikti jóndeý jumystarymen ǵana aınalysa alady. Búgin Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine eńbek kóshi-qony máseleleri boıynsha ózgerister men tolyqtyrýlar engizý týraly» zań jobasyn talqylaý barysynda Ekonomıka jáne bıýdjettik josparlaý mınıstri Erbolat Dosaev málim etti.
Mınıstrdiń aıtýynsha, qujattyń maqsaty Qazaqstan aýmaǵynda eńbek qyzmetin júzege asyrý úshin eńbekshi kóship-qonýshylardyń jekelegen sanattaryn tartý tártibin zańdastyrý bolyp tabylady. Kóship kelýshilerge elimizdiń jeke tulǵalarynda jumys istegeni úshin jeke tabys salyǵyn tóleý erejeleri retteledi.
«Jeke tulǵalarǵa eńbek qyzmetin júzege asyrýǵa sheteldik eńbek kúshine beriletin ruqsat elimizde 3 aıǵa deıin vızasyz bolýǵa kelisim jasalǵan shet el azamattaryna beriletin bolady. Osylaısha, ruqsat 1 aıdan 3 aıǵa deıin berilip, keıinnen uzartylýy múmkin. Osy sanattaǵy sheteldikterdiń Qazaqstanda úzdiksiz bolýdyń eń uzaq ýaqyty bir jyldy quraıdy. Budan bólek, jeke tulǵalarǵa eńbek etýge ruqsat berý tek eńbek qyzmetiniń eki túrine ǵana beriledi. Bular úı sharýashylyǵyndaǵy jumystardy oryndaý, sondaı-aq jeke tulǵalardyń jyljymaıtyn múlikterin jóndeý boıynsha qyzmet kórsetý», - deıdi E. Dosaev.
Mınıstrdiń sózine qaraǵanda, jeke tulǵalarǵa sheteldik eńbekshilerdiń qyzmeti úshin beriletin ruqsat tek jeke tabys salyǵy boıynsha aldyn ala tólem tólegenin dáleldeıtin qujat kórsetilgen jaǵdaıda ǵana rásimdeledi.
Sonymen qatar, zań jobasynda qazaqstandyq bir jeke tulǵada bir mezgilde sany besten aspaıtyn sheteldik qyzmetker jumys jasaı alatyny da aıtylady.