Qazaqstandyqtar úshin CoronaVac vaktsınasy qoljetimdi

NUR-SULTAN. QazAqparat – Qazaqstanǵa Qytaıda óndirilgen CoronaVac vaktsınasy jetkizildi. Bul týraly QR Densaýlyq saqtaý mınıstrligi Sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova aıtty, dep habarlaıdy QazAqparat tilshisi.

«Qazaqstanǵa CoronaVac vaktsınasynyń 500 myń dozasy jetkizildi. Búginde ol barlyq óńirde qoljetimdi. Osy aptada barlyq óńirde CoronaVac vaktsınasyn egý bastaldy. Qazirdiń ózinde búkil elimizde CoronaVac-pen shamamen 15 myń adam ekpe aldy», - dedi komıtet tóraıymy Ortalyq kommýnıkatsııalar qyzmetindegi baspasóz máslıhaty barysynda.

Sonymen qatar ol CoronaVac vaktsınasynyń basqa vaktsınalardan qandaı aıyrmashylyǵy bar ekendigin aıtty.

«Ol QazVac, Hayat Vac syndy ınaktıvtelgen vaktsına sanalady. Inaktıvtelgen vırýs qoldanylady. Eger vaktsınany saqtaý temperatýrasy týraly aıtar bolsaq, ol + 2-8 gradýs. Vaktsına eki dozaly. Dozalardy egý aralyǵy 14-ten 28 kúnge deıin. ıAǵnı, CoronaVac vaktsınasyn saldyrsańyzdar, onda ekinshi dozany 2-den 4 aptaǵa deıin aralyqta alasyzdar», - dedi Aıjan Esmaǵambetova.