Qazaqstandyqtar Ulttyq banktiń qundy qaǵazdaryna 987,4 mln teńge ınvestıtsııalady
Bul ınnoatsııalyq júıe byltyr naýryzda iske qosylǵan bolatyn.
Júıe Qazaqstan Respýblıkasynyń árbir azamatyna memlekettik baǵaly qaǵazdardy (Ulttyq Banktiń nottaryn) satyp alýǵa jáne Qazaqstan Respýblıkasynyń Ulttyq Bankine keri satýǵa múmkindik bere otyryp, aqsha ınvestıtsııalaýǵa múmkindik beredi.
Bul júıe arqyly halyq kún saıyn quny 3,1 mln teńge bolatyn 32 myń qysqa merzimdi nottardy satyp alady. 1 jylǵa taman ýaqyt ishinde qazaqstandyqtar Ulttyq bank nottaryn satyp alýǵa 987,4 mln teńge ınvestıtsııalaǵan.
«Invest Online» júıesinde túrli uıymdarǵa naqty barýdy talap etpeıtin ınvestıtsııalaý talaptary barynsha jeńildetildi. Qazir barlyq operatsııalar mobıldik qosymsha nemese júıeniń veb-saıty arqyly táýlik boıy onlaın rejıminde júrgiziledi. Bul ónimdi Qazaqstan Respýblıkasynyń kez kelgen azamaty paıdalana alady, arnaıy bilimniń, naryqty jan-jaqty zerdeleýdiń, kassalarda kezekte turýdyń, qaǵazdaǵy qujattarǵa qol qoıýdyń qajeti joq. Munda komıssııa joq, barlyq operatsııalar tegin, memlekettik baǵaly qaǵazdarǵa kepildikti ınvestıtsııalar, salynǵan qarajatty jınaqtalǵan kirisimen kez kelgen sátte qaıtarý múmkindigi bar», - dedi Ulttyq bankten.
Invest Online qosymshasynyń jumysy boıynsha tehnıkalyq qoldaý kórsetý jelisine táýlik boıy 8 800 080 86 68 telefony boıynsha habarlasý arqyly keńes alýǵa bolady.