Qazaqstandyqtar tutynatyn shokoladtyń 55 paıyzy shetelden ákelinedi

ASTANA. QazAqparat - 2022 jyldyń 10 aıynda Qazaqstanda 75,7 myń tonna shokolad jáne kondıterlik ónim óndirildi. Bul ótken jyldyń sáıkes kezeńimen salystyrǵanda 7,2% artyq, dep habarlaıdy QazAqparat.

Ulttyq statbıýro taratqan málimetke sensek, ımport úlesi - 93,4 myń tonna tátti.

Bul ótken jyldyń sáıkes kezeńimen salystyrǵanda 9,1%-ǵa artyq.

Syrttan ákelingen ónimniń úles salmaǵy 55,2% qurady.

10 aıdyń qorytyndysy boıynsha ishki naryqta 140,2 myń tonna shokolad pen kondıterlik ónim satyldy.

Bul rette eksportqa 28,9 myń tonna tátti jiberildi.