Qazaqstandyqtar tólemderdiń elektrondyq baǵyttaryna mán berip otyr

ASTANA. 5 aqpan. QazAQparat - 2013 jyldyń birinshi aıynda ǵana QR elektrondyq úkimettiń tólem shlıýzi arqyly 33,9 mln. teńgeden asa tólem júrgizilgen. Ol aldyńǵy jylǵy egov.kz tólem shlıýzi arqyly júrgizilgen onlaın tólemderdiń barlyq somasynan 25 paıyzdy qurady. Bul jaıynda QR KKM málimetterinde habarlanǵan.

Tólem túrleriniń arasynda memlekettik baj salyǵy alda keledi. Qańtarda olardy qazaqstandyqtar 16,4 mln. teńge somada tóledi. Odan keıin - 8,8 mln. teńgede salyqtar onlaın tásilimen tólendi. 6,6 mln. teńgeden asa - aıyppuldar.

Qazaqstandyqtar kommýnaldyq qyzmetterdi www.egov.kz elektrondyq portaly arqyly jıi tóleı bastady. Bul elektrondy qyzmetti alý úshin elektrondyq tsıfrlik qoltańba qajet emes.

Búginde kommýnaldyq qyzmetterdi portal arqyly Astana, Almaty jáne Qyzylorda qalalarynyń turǵyndary tóleı alady. Bıylǵy jyly elektrondy qyzmettiń bul túri satyly túrde elimizdiń basqa qalalarynda da paıda bolmaq.

Aıta keteıik, 2012 jyly Qazaqstanda onlaın tólemderdiń deńgeıi artty. 2011 jylmen salystyrǵanda tólemderdiń somasy 7 esege ósti jáne 141, 2 mln. teńgeni qurady.

Elektrondyq úkimet arqyly salyqtar, aıyppuldar jáne kommýnaldyq tólemder jıi tólenetin boldy. 2012 jylǵy jeltoqsanda elektrondyq úkimet tólem shlıýzi (EÚTSh) arqyly memlekttik qazynaǵa 9,5 mln. teńge salyqtar tústi. Ótken jyly EÚTSh arqyly tranzaktsııalardyń sany 47,6 myń belgisinen asyp tústi (2011 jyly - 3,7 myń).