Qazaqstandyqtar Tokıo olımpıadasynda qaı sport túrlerinen tabysty óner kórsetti
«Bizdiń komandanyń Tokıo Olımpıadasyndaǵy ónerin tabysy boıynsha 4 topqa bólýge bolady. Karate, tennıs, sport gımnastıkasy, aýyr atletıka boıynsha tabysty óner kórsettik. Sadaqtan atý, baıdarka esý, erkin kúres sportshylary nátıjesin jaqsartty. Tasjoldaǵy velosıped sporty kórsetkishin nasharlatyp aldy. Boks, grek-rım kúresi, áıelder jeńil atletıkasy qanaǵattanarlyq nátıje kórsetti. Bul baǵanyń bári tıisti federatsııalarmen ótken kezdesýler aıasynda berilip otyr», - dedi komıtettiń bas hatshysy.
Eske salsaq, Ulttyq Olımpıada komıteti bas assambleıasynyń otyrysynda Baqtııar Artaev boksshylardyń Tokıodaǵy sátsizdigi úshin keshirim suraǵan bolatyn.
«Árıne, Tokıo Olımpıadasynda óte sátsiz bolǵan kórsetkishimiz úshin keshirim suraımyz. Aldaǵy ýaqytta saraptama, júıeli jumys jasalyp, kelesi Olımpıada oıyndarynda ózimizdiń burynǵy kórsetkishterimizge qaıta oralyp, joǵary nátıje kórsetemiz dep sendirgim keledi. Qoldaýlaryńyzǵa kóp rahmet. Ári qaraı júıeli jumys jasap, sporttaǵy kórsetkishterimizdi jaqsartamyz. Eshqandaı suraq joq, rahmet aıtqym keledi», - dedi memlekettik jattyqtyrýshy.