Qazaqstandyqtar sot tyńdaýynyń ýaqyty men kúnin Joǵary Sot saıtynan bile alady

ASTANA. QazAqparat - QR Joǵarǵy Sotynyń janyndaǵy Sottardyń qyzmetin qamtamasyz etý departamenti www.sud.kz caıtynda «tyńdalatyn ister tizimderi» atty jańa bólimniń qurylǵany týraly habarlady.

«QR Joǵarǵy Sotynyń jáne oblystyq sottar saıtynyń biryńǵaı tuǵyrnamasy, júıelengen ıntýıtıvtik-túsinikti qurylymy, sondaı-aq bólimder boıynsha yńǵaıly navıgatsııasy bar, munyń bári azamattarǵa QR Joǵarǵy Sotynyń, respýblıkanyń oblystyq, qalalyq jáne aýdandyq sottarynyń taǵaıyndalǵan isteriniń kestelerimen tanysýǵa múmkindik beredi», - delinedi habarlamada.

Buǵan qosa, turaqty tolyqtyrylyp otyratyn bólimde saıtty paıdalanýshylar sottar qaraıtyn isterdiń túrleri boıynsha ǵana emes, sondaı-aq jeke sot satylary boıynsha da málimetti bile alady.

Osy serverdi paıdalana otyryp, iske qatysatyn adamdar taǵaıyndalǵan sot tyńdaýynyń ýaqyty men kúnin, otyrys zaldaryn jyldam bilý múmkindigine ıe bolady.

«Osyndaı bólimniń qurylýy sot júıesi qyzmetiniń qoljetimdiligi men ashyqtyǵyn qamtamasyz etýge múmkindik beredi, bul óz kezeginde, azamattar quqyqtarynyń, bostandyqtary men múddeleriniń qajetti deńgeıde qorǵalýyna yqpal etedi», - dep jazady vedomstvo.