Qazaqstandyqtar smartfonymen-aq budan bylaı 30-ǵa tarta qujatty ala alady

ASTANA. QazAqparat - Qazaqstandyqtar budan bylaı meken-jaı týraly anyqtama men neke týraly anyqtama sekildi birqatar qujattardy qolyndaǵy smartfonymen-aq ala alady. Bul týraly «Azamattarǵa arnalǵan úkimet» korporatsııasynyń qoǵammen baılanys departamentiniń dırektory Murat Jumanbaı Feısbýktegi paraqshasynda jarııa etti, dep habarlaıdy QazAqparat tilshisi.

Murat Jumanbaı áleýmettik jelide bólisken shaǵyn vıdeoda memlekettik qyzmetti alýdyń yńǵaıly túri tolyq baıandalady.

«Eń jıi kórsetiletin memlekettik qyzmetterdiń bir bóligine budan bylaı elektrondy-tsıfrly qoltańbasyz qol jetkizýge bolady. Meken-jaı týraly anyqtama, arhıv anyqtamasy men neke týraly anyqtamany endigi kezekte elektrondy-tsıfrly qoltańbasyz alýǵa jol ashylyp otyr. Bul úshin tek mobıldi telefon men bir rettik SMS-habarlama ǵana kerek. Ol úshin ne istegen jón? Eń aldymen, egov.kz saıtyna tirkelý qajet. Osydan keıin telefon nómirińizdi JSN-ge (Jeke sáıkestendirý nómiri) bekitý kerek bolady. Ol úshin óz uıaly telefonyńyzdyń nómirin engizip, «tekserý kody» batyrmasyn basyńyz. Kodty alǵannan keıin sizdiń telefonyńyzda shyqqan jazba ornyna engizip, «tirkelý» batyrmasyna basyńyz. Servıs sizge otyzǵa tarta qyzmetti kórsetedi», - delingen vıdeoda.

JSN telefon nómirine bekitilgennen keıin jańa servıspen kelesi ret boıynsha jumys atqara alasyz. ıAǵnı, Egov.kz saıtynan belgili bir qujatty alǵyńyz kelse, ótinimdi smartfon arqyly saıtqa enip jazyp jiberesiz.

«Sizden osy kezde tekserý kodyn engizý kerektigi suralady. Sizdiń telefonyńyzǵa tekserý kody SMS-habarlama kúıinde keledi. Ony sizdiń telefonyńyzda shyqqan jazba ornyna engizý kerek. Júıe sizdiń ótinimińizdi qanaǵattandyryp, sizge elektrondy-tsıfrly qoltańbasyz qyzmet kórsetedi», - delingen vıdeoda.