Qazaqstandyqtar saılaýǵa kóterińki kóńilmen keletindigin baıqadym - Nıkas Safronov
13:39, 20 Naýryz 2016
ASTANA. QazAqparat - QR Parlamentiniń saılaýy zańǵa saı, esh zańbuzýshylyqsyz ótip jatyr. Bul týraly búgin QR Parlamenti Májilisin saılaý barysyn baqylaýǵa kelgen sheteldik delegattardyń baspasóz máslıxatynda Reseıden kelgen xalyqaralyq baıqaýshy, tanymal sýretshi, «Trýd» basylymynyń bas redaktory Nıkas Safronov málim etti.
«Men Qazaqstan úshin qýanyshtymyn. Men byltyr Qazaqstanda Prezıdenttik saılaýda bolǵanmyn. Ol kezde de saılaý zańdy ári ashyq ótken bolatyn. Bıyl da saılaý barysy zań aıasynda ótetindigine kúmánim joq. Sebebi búgin biz eshbir zańbuzýshylyqty anyqtaǵan joqpyz. Halyq saılaýǵa qýana-qýana, jaqsy kóńil kúımen kelip jatyr jáne ózderine ne qajet ekendikterin biledi», - deıdi N. Safronov.
Aıta keteıik, QR Parlamenti Májilisiniń depýtattaryn saılaý barysyn baqylaýǵa 817 xalyqaralyq baıqaýshy men 147 sheteldik BAQ ókilderi kelip otyr.