Qazaqstandyqtar saılaý qorytyndysyn oń baǵalap otyr - saýalnama

ASTANA. 4 qańtar. QazAqparat - Bıyl 15 qańtarda Parlament Májilisi men máslıhat depýtattaryn saılaý ótkeni málim.

Osyǵan baılanysty 25-31 qańtar aralyǵynda Áleýmettik-saıası zertteýler ınstıtýty saılaýdan keıin Qazaqstan jurtshylyǵynyń kóńil-kúıin zertteý boıynsha ekspress-saýalnama júrgizdi.

Bul saýalnamada 1 myń 200 respondet qatysyp, onda barlyq oblystar men Astana jáne Almaty qalalary qamtyldy.  

Osy saýalnama barysynda respondetterdiń 20,5 paıyzy saılaý komıssııasynyń jumysyn jaqsy baǵalady, 19 paıyzy saılaý úderisiniń ashyqtyǵyn ataǵan, al 11,1 paıyzy BAQ-da saıası partııalardyń jumysy jaqsy kórsetilgenin jetkizdi. Sonymen qatar, saýalnamaǵa qatysýshylardyń 10,1 paıyzy úshin saıası partııalar usynǵan baǵdarlamalardyń jan-jaqtylyǵy este qalǵan.

Jalpy olardyń kópshiligi saılaý kompanııasyn oń baǵalap otyr. «Parlament saılaýynyń qorytyndysyn qoldaısyz ba?», degen saýalǵan respondentterdiń 80,7 paıyzy oń jaýap qaıtardy.

Budan bólek, Parlament Májilisine 3 partııanyń enýin qatysýshylardyń 79,5 paıyzy qoldap otyr.