Qazaqstandyqtar sábıdi terezeden qulap ketýden qorǵaıtyn qurylǵy oılap tapty

AQTÓBE. QazAqparat –Aqtóbedegi Nazarbaev zııatkerlik mektebiniń oqýshylary sábı ómirin saqtap qalatyn aqyldy tereze oınap tapty. Ónertapqyshtar avtorlyq quqyqty ıelendi, dep habarlaıdy QazAqparat tilshisi.

Nazarbaev zııatkerlik mektebiniń 11-synyp oqýshylary Aıken Altaı men Aıdana Kenjebaeva «Savvywindow» avtomattandyrylǵan tereze jobasyn sátti aıaqtap, jańa týyndynyń avtorlyq quqyǵyn ıelendi. Olar kópqabatty turǵyn úıdiń joǵary qabatyndaǵy qaýipsizdikti qamtamasyz etý úshin arnaıy qurylǵy qondyrǵan.

«Terezeni ashý úshin arnaıy qupııa san suralady. Ashqan soń sıgnal qaıta túsip, terezeni lezde jabýǵa múmkindik bar. ıAǵnı, 90 sm aýmaqta dybys sezilse, kúrt qulyptalady. Mundaı tereze balaly otbasylar úshin tıimdi», - dedi joba avtorynyń biri Aıken Altaı.

Jobany iske asyrýǵa mekteptiń ınformatıka jáne fızıka pánderiniń muǵalimi kómektesti. Jetekshileri «aqyldy terezeni» tek páterge emes, mektep, balabaqshaǵa qondyrýǵa keńes beredi.

«Jaz aıy bastalǵanda balalardyń terezeden qulap ketý deregi tirkeledi. Bir jyldan astam ýaqyt buryn ıdeıany iske asyrý jolyn izdedik. Al «aqyldy terezeni» bir aıda jasap, iske qostyq. Dál osy joba elimizde joq. Oqýshylar avtorlyq quqyqty ıelendi», - dedi Nazarbaev zııatkerlik mektebiniń muǵalimi Aqzat Qaýysova.

Aıta keteıik, Aqtóbede 2018 jyly 1 bala terezeden qulap, kóz jumsa, 2019 jyly 2 sábı jaraqattanyp, bireýi mert bolǵan. Byltyr 2 bala dene jaraqat alyp, ekeýi kóz jumdy.