Qazaqstandyqtar Reseıge qurlyqtaǵy shekara arqyly bara alady
Bul týraly QazAqparat Qazaqstannyń Reseıdegi elshiligine silteme jasap.
«NAZAR AÝDARYŃYZ! Qazaqstan azamattarynyń Reseıge kirýi tek Reseı-Qazaqstan jáne Reseı-Mońǵolııa shekaralarynyń qurlyqtaǵy ótkizý pýnktteri arqyly ǵana múmkin.
Reseıdiń basqa memlekettermen shektesetin qurlyq shekarasynyń ótkizý pýnktteri arqyly kirý áli de shekteýli jáne tek belgili sanattaǵy azamattarǵa ruqsat etiledi (silteme)
Reseıge qurlyqtaǵy ótkizý pýnktteri arqyly kirgen kezde «Pýteshestvýıý bez COVID-19» mobıldik qosymshasy arqyly koronavırýsqa PTR testiniń teris nátıjesiniń (daıyn bolǵan sátten bastap shekaradan ótkenge deıin 48 saǵattan aspaýy kerek) bolýyn rastaý qajet. Apple qurylǵylaryna arnalǵan qosymshanyń mobıldik nusqasyn silteme arqyly, Android qurylǵylaryna arnalǵan nusqasyn silteme arqyly júkteýge bolady.
Nazar aýdaryńyz! Reseıge kirgen kezde koronavırýsqa teris PTR testi jas ereksheligine qaramastan barlyq azamattardan (onyń ishinde 5 jasqa deıingi balalardan) talap etiledi.
Smartfony joq kishkentaı balalarmen nemese qart týystarymen saıahattaǵan jaǵdaıda qosymsha qurylǵylar qajet emes. Sizdiń, sondaı-aq, balalar men qart týystaryńyzdyń PTR synaqtarynyń nátıjelerin bir mobıldi qurylǵydaǵy qosymshada biriktirýge bolady»,-delingen habarlamada.