Qazaqstandyqtar Parıjdegi «Le Býrje» avıasalonyna qatysýda

ASTANA. QazAqparat - Qorǵanys jáne aeroǵarysh ónerkásibi mınıstrliginiń delegatsııasy vıtse-mınıstr Marat Nurǵojınniń basshylyǵymen Frantsııaǵa jumys saparmen baryp, parıjdik «Le Býrje-2017» avıasalonyna qatysýda, dep habarlady «QazAqparat» HAA tilshisi.

Mınıstrliktiń baspasóz qyzmetiniń aqparatyna sáıkes qazaqstandyq delegatsııa qorǵanys jáne aeroǵarysh ónerkásibi salasyndaǵy yntymaqtastyq boıynsha áriptestermen birqatar kezdesýler men kelissózder ótkizedi.

Avıasalon jumysynyń birinshi kúni M. Nurǵojın Frantsııa ulttyq ǵaryshtyq zerteý ortalyǵynyń (CNES) vıtse-prezıdenti Shtaınberg myrzamen yntymaqtastyq máselelerin talqylady.

Sondaı-aq 52-shi avıasalonǵa QR Prezıdentiniń keńesshisi, Frantsııanyń Qurmetti legıony ordeniniń ofıtseri, ushqysh-ǵaryshker Talǵat Musabaev shaqyrtyldy.

«8 jyl buryn, 2009 jylǵy 17 maýsymda Le Býrjede halyqaralyq kórme aıasynda ǵarysh salasyndaǵy yntymaqtastyq boıynsha Frantsııa men Qazaqstan arasyndaǵy alǵashqy qujatqa qol qoıyldy», - dedi Talǵat Musabaev.

Osy kúni «Qazaqstan Ǵarysh sapary» UK» AQ men frantsýzdyq «EADS-Astrium» jetekshi kompanııasy Astanada salynyp jatqan ǵarysh apparattaryn jınaqtaý-synaqtan ótkizý kesheniniń eskızdik jobalaýyna arnalǵan kelisimshartty jasasty.