Qazaqstandyqtar mingen 3 avtobýs Ýkraına shekarasynda tur – QR SІM

NUR-SULTAN. QazAqparat – QR Syrtqy ister mınıstrliginiń resmı ókili Aıbek Smadııarov Ýkraınadaǵy Qazaqstan azamattaryn elge qaıtarýdy uıymdastyrý protsesine qatysty sońǵy málemetterdi jarııalady, dep habarlaıdy QazAqparat tilshisi.

«Qazirgi ýaqytta 528 evakýatsııalaý týraly 528 ótinish kelip tústi. Ýkraınadan Polsha arqyly 26 aqpan nemese 27 aqpanda alǵashqy repatrıatsııalyq reıs josparlanyp otyr. Aldaǵy ýaqytta taǵy da reıster uıymdastyrylady. Qazir otandastarymyz 7 saǵat boıy shekara kezeginde tur. Sebebi elden shyqqysy keletinder kóp. Otandastarymyzdy sabyrǵa shaqyramyz. Biz qoldan kelgenniń bárin qarastyryp jatyrmyz», - dedi A. Smadııarov mınıstrlikte ótken baspasóz máslıhatynda.

Onyń aıtýynsha, qazir qazaqstandyqtardy elge jetkizý úshin Ýkraına shekarasynda 3 avtobýs tur.

Alǵashqy avtobýsta 49 adam, ekinshi avtobýsta 46 adam jáne taǵy bir avtobýsta 79 adam bar.

Buǵan deıin QR SІM Ýkraınadaǵy otandastarymyzdyń Polsha shekarasyna qaraı jolǵa shyqqany týraly habarlaǵan edi.