Qazaqstandyqtar men qyrǵyzstandyqtar memleketter aýmaǵyna 30 kún erkin kirip-shyǵa alady

ASTANA. QazAqparat - Qazaqstan men Qyrǵyzstan elderiniń Syrtqy ister mınıstrleri Erlan Ydyrysov pen Erlan Abdyldaev ekijaqty áriptestik týraly kelisimge qol qoıdy, dep xabarlaıdy QazAqparat.

Máselen, «Qazaqstan men Qyrǵyzstan Respýblıkasy arasyndaǵy Azamattardyń ózara vızasyz jol júrýleri týraly» kelisim boıynsha eki el azamattary tirkeýsiz 30 kún júrip-tura alady.

«Biz eki el azamattarynyń ózara kelip-ketýin retteıtin qujatqa qol qoıdyq. Bul eki eldiń azamattaryna tirkeýsiz 30 kún júrip-turýǵa ruqsat beretin «Qazaqstan men Qyrǵyzstan Respýblıkasy arasyndaǵy Azamattardyń ózara vızasyz jol júrýleri týraly kelisimge» ózgerister men tolyqtyrýlar engizý týraly xattama. Bizdiń azamattarymyz asyǵa kútip otyrǵan xattamany Parlament ratıfıkatsııalaıdy degen úmittemin», - dedi Qyrǵyzstan SІM basshysy.

Óz kezeginde, Erlan Ydyrysov atalmysh qujat eki memleket arasyndaǵy qarym-qatynastardyń tereńdeýine belsendi yqpal etedi degen senimdilik bildirdi.

Sonymen qatar mınıstrler shekaradaǵy ótkizý pýnkteriniń máselesin kóterdi.

«Bul jumys bastalyp ketti jáne ol óz nátıjesin beredi. Biz osymen toqtamaı, azamattardyń ózara barys-kelisin jeńildetý úshin shekaranyń barlyq pýnkterinde jumysty jalǵastyra beremiz», - dedi Erlan Abdyldaev.

Sondaı-aq syrtqy ister mınıstrleri 2017-2018 jyldarǵa arnalǵan Qazaqstan men Qyrǵyzstan SІM arasyndaǵy áriptestik kesheni baǵdarlamasyna qol qoıdy. QR Іshki ister mınıstri Qalmuxambet Qasymov pen Qyrǵyzstan Іshki ister mınıstriniń orynbasary Kýrsan Asanov «Tulǵalar readmıssııasy týraly» kelisimdi bekitti.