Qazaqstandyqtar kóbine teńgemen depozıt ashýdy tańdaı bastady - QR Ulttyq Banki

ALMATY. QazAqparat - Qazaqstandyqtar kóbine teńgemen depozıt ashýdy tańdaı bastady. Bul týraly QR Ulttyq Bankiniń tóraǵasy Danııar Aqyshev Aqtóbe qalasyna jumys sapary barysynda aıtty.

«Aqpannyń qorytyndysy boıynsha, ulttyq valıýtadaǵy depozıtter 300 mlrd teńgege ósken. 2016 jylǵy naýryzda halyqtyń teńgedegi depozıtteriniń ósýi budan joǵary bolady dep kútemiz», - dedi D.Aqyshev.
Onyń aıtýynsha, depozıtterdiń valıýtalyq qurylymyn ózgertý taıaý bolashaqta teńgemen nesıeleýdiń kólemin arttyrady.
Aıta ketý kerek, Ulttyq Bank 1 aqpannan bastap ulttyq valıýtamen jeke tulǵalardyń depozıtteri boıynsha syıaqynyń eń joǵary mólsherlemesin 10%-dan 14%-ǵa deıin kóterip, al shetel valıýtasymen depozıtter boıynsha 3%-dan 2%-ǵa deıin tómendetti.