Qazaqstandyqtar karantın kezinde aǵylshyn tilin tegin meńgere alady

NUR-SULTAN. QazAqparat - Mundaı múmkindikti el turǵyndaryna Nur-Sultan qalasyndaǵy «Rýhanı jańǵyrý» jobalyq keńsesi usynyp otyr, dep habarlaıdy QazAqparat ákimdiktiń saıtyna silteme jasap.

Aǵylshyn tiliniń negizderin úıretý maqsatynda ótkiziletin onlaın kýrsty biliktiligi joǵary maman – Krıstına ıAıchnıkova júrgizedi. Sabaq berýshiniń aıtýyna qaraǵanda, buǵan deıin ol aǵylshyn tilin qashyqtyqtan úıretýden biraz tájirıbe jınap úlgergen.

«Men osyǵan deıin onlaın rejimde sabaq berýden biraz tájirıbe jınadym. Karantın ýaqytynda sol tájirıbemen bólisýdiń sáti túsip otyr. Sabaqty onlaın rejimde júrgizý barysynda aǵylshyn tilin az ýaqyt ishinde meńgerý tásilderin de úıretýge tyrysamyn. Kýrsta biz grammatıka negizderin qarastyratyn bolamyz. Al jaqsy nátıjelerge qol jetkizý maqsatynda úı tapsyrmalary berilip, keıingi sabaqta qatysýshylardyń ony qalaı oryndaǵandyǵyn tekseremiz», – deıdi Krıstına ıAıchnıkova.

Aıta keteıik, atalmysh sabaqtar aptasyna bir ret Instagram paraqshasynda jáne Youtube kanalynda tikeleı efırde júrgiziletin bolady. Ár sabaqtyń uzaqtyǵy: 1 – 1,5 saǵat.

2 aıǵa sozylatyn tegin kýrstyń alǵashqy sabaǵy 1 sáýirge belgilengen.