Qazaqstandyqtar qandaı jaǵdaıda Reseı aýmaǵyna kire alady
«Qujat QR SІM men RF SІM-niń tyǵyz ári syndarly ózara is-qımyly negizinde ázirlengen jáne Qazaqstan azamattarynyń koronavırýs indetine baılanysty sheteldikterdiń kelýin jappaı shekteý jaǵdaıynda Reseı aýmaǵynada júrýin reglamentteýge múmkindik beredi. Atap aıtqanda, qazaqstandyqtar Reseı Federatsııasyna sol elde jaqyn týystary (jubaıy, ata-anasy, balalar, asyrap alýshylary, asyrap alǵan balalary) bolǵan kezde tıisti qujattaryn kórsetý arqyly kire alady», - delingen Qazaqstannyń Reseıdegi Elshiliginiń resmı saıtynda jarııalanǵan aqparatta.
Sonymen qatar Qazaqstan azamattary Reseı aýmaǵyna jaqyn týǵan-týystary qaıtys bolǵan jaǵdaıda tıisti qujattaryn (qaza bolǵany týraly kýáliktiń nemese anyqtamanyń kóshirmesi, týystyǵyn dáleldeıtin qujat) kórsetý arqyly kirýine múmkindigi bar.
Munan bólek, Reseıde turyp jatqan azamattyń qamqorshysy nemese janashyry sanalatyn qazaqstandyqtar da tıisti qujatyn kórsetý arqyly kórshi elge óte alady.
Atap ótilgendeı, tranzıttik áýe jolaýshylary RF-ge kire alady. Biraq, shekara aımaǵynan shyǵa almaıdy.
Sondaı-aq Qazaqstannyń Reseıdegi Elshiligi koronavırýsqa baılanysty shuǵyl jeli ashty. QR-dyń konsýldyq mekemeleriniń telefon nómirleri: Máskeýde - 8-925-897-71-14; Sankt-Peterborda – 8-921-188-90-60, Qazanda – 8-905-020-30-42, Ombyda – 8-968-100-73-03, 8-968-100-73-06 jáne Astrahanda 8-927-562-0042, 8-927-562-00-45.
«Joǵaryda atalǵan telefon nómirleri koronavırýs jaǵdaıyna baılanysty ǵana keńes berýge arnalǵandyǵyna nazar aýdartamyz. Konsýldyq máseleler boıynsha @Consularkz_bot telegram-botyna nemese kazembassyru@gmail.com poshtasyna habarlasýlaryńyzdy ótnemiz. Reseıdiń joǵary oqý oryndarynda bilim alyp jatqan qazaqstandyq stýdentter úshin qaýyrt jeli telefony mynalar: +7 977 287 85 46, +7 926 777 40 44, +7 906 764 74 06, +7 926 800-58-77, +7 999 113 53 95», - delingen jarııalanǵan aqparatta.
Eske salaıyq, Reseı 27 naýryzdan bastap koronavırýs keń taraǵan elderden turaqty jáne charterlik halyqaralyq áýe qatynasyn toqtatty.