Qazaqstandyqtar «Halyq únine qulaq asatyn memleket» tujyrymdamasyn ázirleýge qatysa alady

NUR-SULTAN. QazAqparat - 2020 jylǵy 18 aqpannan bastap, «Ashyq dıalog» portalynda «Halyq únine qulaq asatyn memleket» tujyrymdamasyna kóshý» taqyrybynda saýalnama ótkizilip jatyr, dep habarlaıdy QazAqparat.

Atalǵan saýalnama «Halyq únine qulaq asatyn memleket» tujyrymdamasyn turǵyndar qalaı qabyldaıtynyn jáne oǵan olardyń tarapynan qandaı usynystar bolatynynyn bilý maqsatynda júrgiziledi.

Aıta keterligi, «Halyq únine qulaq asatyn memleket» tujyrymdamasynyń basty maqsaty – bılik pen halyq arasynda konstrýktıvti dıalog ornatý.

2019 jyly Memleket basshysy halyqqa Joldaýynda «Halyq únine qulaq asatyn memleket» tujyrymdamasy azamattardyń barlyq ótinishterine jedel jáne tıimdi jaýap berýge baǵyttalýy kerek ekenin atap ótken bolatyn.

«Jasyratyny joq, memlekettik apparat qyzmetindegi máseleler kóp jaǵdaıda bıliktegiler men azamattar arasynda keri baılanystyń joqtyǵyna qatysty bolyp keledi.

«Halyq únine qulaq asatyn memleket» – bul barynsha ashyq jáne esepti memleketti qalyptastyrý. Sondyqtan, bul turǵyda turǵyndardyń pikiri barynsha eskerilýi tıis.

Saýalnama «Ashyq dıalog» portalynda 2020 jyldyń 1 naýryzyna deıin ótkiziledi. Árbir azamat myna siltemege ótý arqyly tujyrymdamaǵa qatysty óz pikirin bildirip, usynysyn joldaı alady», delingen habarlamada.