Qazaqstandyqtar Eýrazııalyq ekonomıkalyq odaq týraly ne biledi - saýalnama

NUR-SULTAN. QazAqparat – QR Prezıdentiniń janyndaǵy Qazaqstan strategııalyq zertteýler ınstıtýty qazaqstandyqtardyń EAEO jáne elimizdiń osy uıymdaǵy róline qatysty ne biletindigi týraly áleýmettanýshylyq saýalnama nátıjelerin jarııalady, dep habarlaıdy QazAqparat.

Ekonomıkanyń damýy jáne qatysýshy elder naryqtarynyń keńeıýi 1995 jyly Keden odaǵynyń (jańa nusqa boıynsha EAEO – Eýrazııalyq ekonomıkalyq odaq) qurylýyna sebep boldy.

EAEO týraly shartqa Reseı, Belarýs jáne Qazaqstan prezıdentteri 2014 jyldyń 29 mamyrynda Astanada qol qoıdy jáne ol shart 2015 jyldyń 1 qańtarynan kúshine endi. Odaqtyń quramynda 5 múshe-memleket bar: Armenııa, Belarýs, Qazaqstan, Qyrǵyzstan jáne Reseı óz shekaralary arqyly ónimniń ımporty men eksportynyń jalpy qaǵıdalaryn qabyldaǵan jáne qol qoıylǵan halyqaralyq kelisimderdiń birqatar sharttaryn saqtaıdy.

EAEO elderi aýmaǵynyń aýdany – 20 mıllıon sharshy shaqyrymnan astam (álemdik qurlyqtyń 14%), EAEO elderi halqynyń sany 2020 jyldyń basyndaǵy málimetboıynsha 184,26 mıllıon adamdy quraıdy. Áleýmettanýshylyq saýalnama nátıjelerine sáıkes, saýalnamaǵa qatysqan barlyq qazaqstandyqtardyń jartysynan astamy (62,9%) Qazaqstannyń EAEO qatysýyna oń kózqaraspen qaraıdy. Respondentterdiń 7,1% mundaı qatysýǵa úzildi-kesildi qarsy, qalǵan 4,9% «dáliregi teris» jaýap nusqasyn tańdady.

Saýalnamaǵa qatysqandardyń basym kópshiligi (84,6%) qatysýshy-elder úshin EAEO ártúrli jaǵymdy jaqtaryn atap ótti. Birinshi kezekte, bul qatysýshy-elder arasyndaǵy ekonomıkalyq jáne mádenı-gýmanıtarlyq baılanystardy saqtaý jáne keńeıtý, sondaı-aq qazaqstandyq naryqtaǵy taýarlardyń sapasy men assortımentin jaqsartý. Qazaqstandyqtar úshin jeke tulǵalar retinde Qazaqstannan tys jerlerde jumys isteý múmkindigi, sondaı-aq qazaqstandyq bıznesti keńeıtý oń múmkindik bolyp tabylady. Sondaı-aq, qazaqstandyqtar EAEO-dan elimiz úshin egemendik pen qaýipsizdik kepildigin kórip otyr.

EAEO tóraǵalyǵy 2021 jyldan bastap Qazaqstanǵa ótti, osyǵan baılanysty 2020 jyldyń jeltoqsanyndaǵy Joǵary Eýrazııalyq ekonomıkalyq keńestiń otyrysynda Q.K. Toqaev elimizdiń EAEO tóraǵalyq etýiniń basymdyqtaryn belgiledi, olardyń biri ónerkásiptik yntymaqtastyq, onyń ishinde ǵarysh, bıotehnologııa, nanoındýstrııa, fotonıka, zamanaýı quramdas baza, aqparattyq-kommýnıkatsııalyq tehnologııalar, tabıǵı resýrstardy óndirý men óńdeýdiń jańa tehnologııalary,ekologııa salalarynda yntymaqtastyqty damytýboldy.

Bizdiń eldegi JEEK otyrysynyń jumysyna sáttilik tileımiz! Qatysýshy-elder qabyldap jatqan ǵylymı-tehnıkalyq progrestiń ozyq ulttyq jáne álemdik jetistikterin shoǵyrlandyrý men ǵylymı áleýetti jumyldyrý boıynsha júıeli jumys Eýrazııalyq ekonomıkalyq odaqtyń ınnovatsııalyq damýy úshin tabystyń kepili bolady dep úmittenemiz.

Sondaı-aq Qazaqstan, Reseı,Armenııa, Belorýssııa jáne Qyrǵyzstannyń árbir turǵynyna EAEO qyzmetiniń oń áserin tolyq kólemde sezinýge múmkindik beredi.

Eske salsaq, 21 mamyrda QR Prezıdentiniń tóraǵalyǵymen Joǵary eýrazııalyq ekonomıkalyq keńestiń otyrysy ótedi.

Jıynǵa Joǵary eýrazııalyq ekonomıkalyq keńestiń Qurmetti tóraǵasy, Qazaqstannyń Tuńǵysh Prezıdenti – Elbasy Nursultan Nazarbaev, Reseı Federatsııasynyń Prezıdenti Vladımır Pýtın, Belarýs Respýblıkasynyń Prezıdenti Aleksandr Lýkashenko, Qyrǵyz Respýblıkasynyń Prezıdenti Sadyr Japarov, Armenııa Respýblıkasy Premer-Mınıstriniń mindetin atqarýshy Nıkol Pashınıan, Eýrazııalyq ekonomıkalyq komıssııa alqasynyń tóraǵasy Mıhaıl Mıasnıkovıch qatysady.