Qazaqstandyqtar Elbasymyzdyń birlikke negizdelgen baǵdarlamasy aınalasynda toptasýda - QazGZÝ stýdenti V. Voloshına
Bul týraly "QazAqparat" tilshisine bergen suxbatynda Qazaq Gýmanıtarlyq-Zań Ýnıversıtetiniń stýdenti Valerııa Voloshına málim etti.
"Saılaý qarsańynda Elbasy jetekshiligimen "Nur Otan" partııasy eldiń ekonomıkalyq qaýqaryn arttyrýdyń jańasha kózqarastaǵy baǵdarlamasyn jarııa etti. Partııanyń barlyq baǵdarlamalary, eń birinshiden, xalyqtyń birligin jáne kelisimin nyǵaıtýǵa negizdeledi. Ol Elbasymyzdyń eń basty basymdyq beretin nársesi jáne qazaqstandyqtar osy qundylyqtyń aınalasynda toptasýda", - deıdi ol.
Onyń sózinshe, jastar QR Prezıdentiniń barlyq bastamalaryn qoldaıdy.
"Stýdentter atynan aıta alamyn, barlyq jastar bizdiń Prezıdenttiń bes basymdyqqa negizdelgen saılaýaldy baǵdarlamasyn qoldaıdy. Biz sol údeden shyǵýǵa tyrysyp kelemiz, Elbasy bizge júktegen jaýapkershilikti abyroımen atqarýǵa ýáde beremiz. Partııa sezindegi Prezıdenttiń sózderi meniń boıyma óte qýatty kúsh berdi. Ol meniń aldyma qoıǵan maqsattardy oryndaýyma, Elbasy aıtqan mindetterge úles qosýyma úlken shabyt berip otyr", dep atap ótti V. Voloshına.