Qazaqstandyqtar ekstremızm týraly Bas prokýratýra saıty arqyly xabarlaı alady

ASTANA. QazAqparat - QR Bas prokýratýrasynyń resmı saıtynda ekstremızm men lańkestikke qarsy is-qımyldy kúsheıtý maqsatynda arnaıy bólim quryldy. Qazaqstandyqtar qupııa túrde kúdikti adamdar, ekstremızmniń kórinis tabýy, esirtkiniń zańsyz aınalymy, tipti qabyrǵalarǵa sýret (graffıtı) qaldyryp ketetin adamdar jóninde xabarlaı alady.

«Bas prokýratýra saıtynda kez kelgen adam arnaıy blankini toltyrý arqyly qupııa túrde ekstremızm men lańkestiktiń kórinis tabýy týrasynda óz xabarlamalaryn joldaýǵa múmkindik beretin arnaıy bólim ashyldy. Eger dálel materıaldar bolsa (fototúsirilim, vıdeo, skrınshottar nemese aýdıojazbalar), xabarlamamen qosa jiberýge bolady», - delingen vedomstvo xabarynda. 

Bul bólimde, sondaı-aq, ekstremızm men terrorızmge qarsy is-sharalardy kúsheıtýge jol ashatyn tyń ıdeıalar men usynystardy joldaýǵa da múmkindik jasalǵan.