Qazaqstandyqtar eGov portaly arqyly 17 jylda 400 mln qyzmet alǵan

ASTANA. QazAqparat – Búgin «eGov elektrondy úkimet portalynyń» qoldanysqa engizilgenine 17 jyl tolyp otyr. «Ulttyq aqparattyq tehnologııalar» AQ basqarma tóraǵasy Rostıslav Konıashkınniń aıtýynsha, osy 17 jyldyń ishinde portalǵa 14 mln qoldanýshy tirkelip, 400 mıllıonnan astam qyzmet alǵan, dep habarlaıdy QazAqparat tilshisi.

«Elektrondy úkimet portaly osydan týra 17 jyl buryn iske qosylǵan edi. Búgingi tańda 14 adam onyń qoldanýshysy bolyp otyr. Bul portal azamattar men memlekettiń, bıznes pen memlekettiń arasyndaǵy ózara árekettiń negizgi quralyna aınaldy. Memleket kórsetetin qyzmetterdi jeńildetip qana qoımaı, jemqorlyq táýekelderin tómendetip otyr. Azamattardyń ómirin qolaıly ete tústi», - dedi Rostıslav Konıashkın.

Sondaı-aq, ol elektrondy úkimet jobasyn jetildirý jumystary Qazaqstandy BUU-nyń tsıfrlyq reıtıngterindegi ornyn nyǵaıtqanyn aıtty.

«Elektrondy úkimet jobasy boıynsha álemdegi kóshbasshy elderdiń qataryna kirip otyrmyz. Onlaın qyzmetter kórsetý jóninen alǵashqy ondyqqa kiremiz. Osy jyldyń aıaǵyna deıin elektrondy negizde smartfon arqyly kórsetiletin memleket qyzmetteriniń úlesin 90%-ǵa jetkizý mindeti tur. Mobıldi qosymshany qazirdiń ózinde 3 mıllıondaı adam qoldanyp júr. Bulardyń bári aı saıyn onyń qyzmetine júginetin belsendi qoldanýshylar», - dedi «Ulttyq aqparattyq tehnologııalar» AQ basqarma tóraǵasy.