Qazaqstandyqtar BJZQ-ǵa 354 mıllıardtan astam teńgeni qaıtardy
14:14, 08 Aqpan 2022
NUR-CULTAN. QazAqparat - 2022 jyldyń 1 aqpanyndaǵy jaǵdaı boıynsha 2021 jyldyń qańtarynan bastap BJZQ salymshylardyń (alýshylardyń) turǵyn úı jaǵdaıyn jaqsartý úshin jınaqtalǵan zeınetaqy qarajatyn paıdalanýǵa 781 736 ótinishin oryndady. Bul týraly QazAqparat Qorǵa silteme jasap habarlaıdy.
Ýákiletti operator-bankterde ashylǵan qazaqstandyqtardyń arnaıy shottaryna BJZQ 2,5 trln teńge qarjy aýdardy. Birjolǵy zeınetaqy tólemderiniń ortasha somasy – 3,2 mln teńge.
Oryndalǵan ótinishterdiń eń kóbi Almaty qalasynyń (17,7%), Nur-Sultan qalasynyń (13,5%), Mańǵystaý oblysynyń (12,0%) turǵyndary tarapynan joldanǵan.
Aıta keterlik jáıt, 2022 jyldyń qańtar aıynda BJZQ turǵyn úı jaǵdaıyn jaqsartýǵa jalpy somasy 76,2 mlrd teńgege 50 060 ótinishti oryndady. Alynǵan qarjynyń ortasha somasy shamamen 1,5 mln teńge. Salystyrý úshin, jeltoqsan aıynda bul kórsetkishter mynadaı boldy: oryndalǵan ótinishterdiń sany – 208 431, jalpy somasy 413,1 mlrd teńge. 2021 jylǵy jeltoqsanda alynǵan qarjynyń ortasha somasy shamamen 2,0 mln teńge.