Qazaqstandyqtar byltyr kólik qyzmeti sapasynyń tómendigine kóp shaǵymdanǵan

NUR-SULTAN. QazAqparat - Tutynýshy quqyǵy kún saıyn buzylady. Bul faktini Tutynýshylardyń quqyǵyn qorǵaý komıtetine 2021 jyldyń birinshi toqsanynda kelip túsken 6 myńǵa jýyq shaǵym rastaıdy, dep habarlaıdy QazAqparat vedomstvonyń baspasóz qyzmetine silteme jasap.

«Tutynýshylardan shaǵymdardyń negizgi aǵyny shaǵyn jáne mıkrobıznestiń josyqsyz kásipkerleriniń úlesine tıesili. Osynyń negizinde komıtettiń oblystyq departamentteri aıyppul túrinde jaýapkershilikke tartylǵan jáne eskertý alǵan bıznesmenderge qatysty 23 jospardan tys tekserý júrgizdi.

Birinshi toqsanda vedomstvo shaǵymdardyń 958-i qanaǵattandyryldy, 313-i tıisti organdarǵa joldandy. 2 myńǵa jýyq adam qoldanystaǵy zańnamaǵa sáıkes túsinikteme aldy», delingen habarlamada.

Sondaı-aq qazaqstandyq tutynýshylarǵa 23 mln teńgeden astam qarajat qaıtaryldy.

Vedomstvonyń málimetinshe, tutynýshy quqyǵyn qorǵaý júıesinde birqatar mańyzdy reforma jasalyp jatyr. Sebebi, qoldanystaǵy quqyqtyq norma eskirgen, al tutynýshy quqyǵyn buzý sany birneshe ese ósken. Oǵan 2020 jyldyń qorytyndysy dálel boldy.

Tutynýshylardyń quqyqtaryn qorǵaý komıtetine byltyr 20 919 ótinish kelip tústi. Bul 2019 jyldyń sáıkes kezeńimen salystyrǵanda 3,5 ese kóp.

«Azamattardyń ótinishterin taldaý shaǵymdar sanynyń ósýi pandemııamen jáne tutynýshylarmen baılanysty ekenin anyqtady.

Qazaqstandyqtar kóbinese kólik qyzmeti sapasynyń tómendigine shaǵymdandy. Ári qaraı, bul qolaısyz reıtıng bólshek saýda, turmystyq jáne týrıstik qyzmetterdi qamtıdy. Elektrondyq saýda, baılanys, TÚKSh, qarjy, qoǵamdyq tamaqtaný, medıtsına jáne basqa da salalarda qyzmet kórsetý halyqtyń narazylyǵyn týdyrmady», delingen habarlamada.

Osy shaǵymdardyń 7 380-i qanaǵattandyrylyp, komıtet quzyreti boıynsha salalyq memlekettik organdarǵa 3 863-syn jibergen, 9 577 túsinikteme berilgen. Osy boıynsha tutynýshylarǵa 249 mln teńgeden astam, sonyń ishinde keıbiri sot arqyly qaıtaryldy.

Byltyr vedomstvo sońǵy 6 jylda alǵash ret sottarda tutynýshylar tobynyń quqyqtaryn qorǵaý tájirıbesin qaıta bastady.

«Jyl ishinde barlyǵy «Bek Eır» kompanııasyna qatysty sotqa 4 ujymdyq talap aryz berildi. Komıtet 1 740 adamnyń múddesin qorǵady. Bul rette birinshi jáne ekinshi satydaǵy sottar 2 talap aryzdy qanaǵattandyryp, zańdy kúshine endi.

Sondaı-aq, Batys Qazaqstan oblysy tutynýshylardyń quqyqtaryn qorǵaý departamentiniń «Samer» JShS-na ujymdyq talaby kólemde qanaǵattandyryldy. Іs 12 tutynýshyǵa jıhazdy sapasyz daıyndaǵany úshin 1,7 mln teńge qarajatty óteýge qatysty boldy», delingen habarlamada.

Memleket ÚEU-nyń kómegimen tutynýshylyq quqyqtardy qorǵaý júıesin jańǵyrtýǵa baǵyttalǵan birqatar ózgerister júrgizýde.

2020 jylǵy 25 maýsymda «Tutynýshylardyń quqyqtaryn qorǵaý týraly» birinshi zań qabyldandy. Osynyń arqasynda tutynýshylardyń shaǵymdaryn qaraýdyń 3 satylý mehanızimi engizildi. Sonymen qatar, kásipker endi klıentpen janjaldy «osynda jáne qazir shesh» qaǵıdasymen tez sheshe alady. Bul talaptardyń ýaqyty men resýrstaryn qysqartady, bızneske qysym men sottardyń júktemesin azaıtady.

Pılottyq rejımde biryńǵaı aqparattyq júıe iske qosyldy.