Qazaqstandyqtar budan bylaı Shymkent áýejaıynda tsıfrlyq jeke kýáligin paıdalana alady
Shymkent qalasynyń áýejaıynda jeke derekterdi rastaý úshin eGov Mobile qosymshasy arqyly tsıfrlyq jeke kýálikti paıdalanýǵa bolady.
Buǵan deıin mundaı qyzmet Nur-Sultan, Almaty jáne Aqtóbe qalalarynyń áýejaılarynda qoljetimdi bolatyn.
Áýejaıda tsıfrlyq jeke kýálikti paıdalaný úshin eGov mobile qosymshasynda avtorlandyrylǵan paıdalanýshy «Tsıfrlyq qujattar» bólimine kirip, tizimnen jeke kýálikti tańdaý qajet.
Áýejaıdyń tirkeý bóliminde, sondaı-aq ushý aldyndaǵy tekserýden ótý kezinde servıste jasalǵan QR-kody bar smartfonnyń ekranyn kórsetý qajet.
Іshki reısterde tsıfrlyq jeke kýálikti paıdalaný múmkindigi QR Indýstrııa jáne ınfraqurylymdyq damý mınıstrligi, QR Tsıfrlyq damý, ınnovatsııalar jáne aeroǵarysh ónerkásibi mınıstrligi, «Qazaqstannyń avıatsııalyq ákimshiligi» AQ, otandyq áýe kompanııalary men áýejaılarynyń jáne «Ulttyq aqparattyq tehnologııalar» AQ júıelerdi ıntegratsııalaý boıynsha birlesken kúsh-jigeriniń nátıjesinde paıda boldy.
Tsıfrlyq qujattar qyzmeti pılottyq rejımde jumys isteıdi jáne ázirge Nur-Sultan, Almaty, Aqtóbe jáne Shymkent qalalary arasynda qoljetimdi.
Osy áýejaılar qyzmetin paıdalanýdy josparlap otyrǵan jolaýshylardyń pılottyq joba kezinde jeke kýáliginiń túpnusqasyn da ózimen birge alyp júrgeni jón bolady.